Mamallakta Tantanakuy 549 yupay rimanakauyta rurarka, chaypillatak Richard Antonio Carapaz Montenegro pukllayta mishashkamanta naparka.
Tukuy kamachiy killkakkunami wakin chinikuta shayarirka, Carchi markamanta pukllak mishashkamanta makita waktarka, “Giro de Italia 2019” pukllay kallaripi chayarka.
Shinami, Mamallakta Tantanakuy paypak rimayta uyachinata munarka, pay achkata ñakarishpa, hatunta chakatarishpa, munashpa Ecuador llaktapak shutipi, allpapacha anta apyu kallpaypi mishsarka, kay llaktapi kawsak runakuna shunkumanta kushiyarichun hawapi churarka.
Kay Sebastián Palacios kamachiy killkak, Grupo Parlamentario de Inclusión pushak, Hatun rimayta churarka, Pukllayta wayka rurankuna, kaya puncha, 4 puncha, raymi killa, arinishkata rikunka, pay anta apyupi kallpakukpi karu rikuchikwan, allpapachapi tukuri sayllapak chinikupi muyurka, chayka apyaya llaktamanta runakuna yapa kushiyarirka.
Mamallakta Tantanakuy 2017 wata, 19 puncha, wayru killapi Vicente Rocafuerte kamarita charichirka, Mérito Deportivo, Acuerdo Legislativo yuyarita kurka, payka Campeón sub 23 Juegos Panamericanos hawaman sakirirka, Vuelta de la Juventud en Colombia llaktapi, Guatemala llaktapi, España llaktapi misharka.
Shinami payka, chay Giro de Italia 2018, Richard Carapaz kallaripi paypak pukllayta sinchiyachirka, shina hatun muyuypi chuskunikiwan sakirirka, chayka wiñaykawsaypak kanka nirka, kay 2019 watapika, Carapaz ishkay patata kutin misharka, shinami mishak sakirirka, chayka apyayalata ishkay patapi churarka.
MG/jc-kichwa
