Kayna puncha, pay María Fernanda Espinosa yallik istakamachikta llaktay wanachiy rurayka katikuyta, kikin ukllarinata paktachishpa atinakurka.
Kay Comisión de Fiscalización y Control Político tantari arinishkata katirka. Minkashkakuna wanachichun mañarka.
Kay videoconferencia ñanta katishpa willayta tukuchikpi- yallik Relaciones Exteriores y Movilidad Humana, María Fernanda Espinosa kamachik riksichirka.
Kamachiy killkak Cristina Reyes (PSC-MG), Fernando Flores (CREO), llaktay tantarikunamanta rimayta charirka, paykunaka kamachiyta pakirka, minkaskhkata mana paktachirka, paypak munayta katishpa llankarka nishpa huchachirka, chincha llakita, Venezuela llaktapi kawsak runakunata mana yanaparka, Julian Assange ista runata llaktayachishkata huchachirka.
Imamanta huchachishka
Mama Cristina Reyes kamachiy killkak, chincha llakimanta rimashpa Diario El Comercio willakkuna, Óscar Velasco, Katty Villacís yanantin, wañushka mana shunkumanta Consejo de Seguridad Pública y del Estado, kamachikkuna yanaparka, ayllukuna mana haykalla chaskirka, Mamallaktapura istakamachikkuna mana makita kurka.
Shinallatak, Ministerio de Defensa Nacional hatun kamachik, shuktak kamaywasikunapak hatun kamachikkuna mana rimanakuyta charirka, pakashka willakkunata mana mashkarka. “Ista hatun kamachik mana llakita mashkana munanyta mana charirka, kikin llankaypi yapa makita churarka. Kipaman Organización de Naciones Unidas tantariman yaykurinata munarka”, shinami hamirka.
Mitsarina
Kamachik, María Fernanda Espinosa ista kamachik karumanta rimashpa, Mamallaktapak istakamachik shina ukllarirka, paypak llankayka Mamakamachiy, kamachiy rimashkata, Plan de Gobierno, 2017 watapi Mamañlalkta Pushakta akllashka churashka llankayñanta katishpa ruraykuna rikuchishkata willarka.
Apuchikuna
Pusak sayllata atinakushpa 597 yupay atinakuy, chaypilla sakirirka, 16 kamachiy killkakkuna rimarka, paykuna María Fernanda Espinosa ista kamachikta hucharika. Chay Fernando Flores kamachiy killkak, Cristina Reyes kamachiy killak, wanachinkapa mana apuchikkuna churarka (87 arinirka, 2 mana nirka, 36 shuyaypi sakirirka).
EG/JLVN/jc-kichwa
