Kay Richard Carapaz mishashkamanta Mamallakta Tantanakuypi kushikuy tiyarka, payka allpapachapi apyupi tiyarishpa muyushkamantami aknashka sakirirka.
Chayka 549 yupay rimanakuy manarak kallarikpimi kushiyarirkakuna, Giro de Italia 2019 shuti mishaytami charirka.
Shinami, Mamallakta Tantanakuy paypak rimayta uyachinata munarka, pay achkata ñakarishpa, hatunta chakatarishpa, munashpa Ecuador llaktapak shutipi, allpapacha anta apyu kallpaypi mishsarka, kay llaktapi kawsak runakuna shunkumanta kushiyarichun hawapi churarka.
Kay Tránsito runakuna kaypi akshpa rurarka
Chikan chikan antawan tantarikuna paykunapak yuyayta churankapa Mamallakta Tantanakuyman shamunka, chaymanta ayllukuna antawa sinkukpi ñankunapi wañushkamanta atirinkapa, markakunamanta antawa 15 tantarikuna, llaktayukkuna atirinkapa shamurka, paykunapash yuyaykunata churarka. Shinallatak antawapi purik runakuna, kamachikkuna, tantarita pushakkuna, llaktamanta runakunapash imashina antawata rikuna, kamanata yachanatami charin.
Mamallakta Tantanakuy imashina yuyak runakunaman kullkita kuchinka
Mamallakta Tantanakuy yanapashkawan 3.800 yuyakyashka tukuylla mitachikuman kullkita kuchirka. Kay yuyarishka paktachun César Litardo, Mamallakta Tantanakuyta pushak, Ministro de Trabajo, Andrés Madero kamachikta, kay Acuerdo Ministerial 185 pankaka paykunata mana yanapak karka, chayta washaman sakichirka.
RSA/jc-kichwa