Chay Tagaeri runakuna, Taromenane runana kawsana allpakunamanta punkarata surkunkapa yalli allpata wakllichinka.
Chay allpaka Parque Nacional Yasuní wakaychishka allpami sarin, chaytami 751 yupay killkawan churashka.
Chayta willachun Comisión de Biodiversidad minkashkaman Ministros de Ambiente, Marcelo Mata kamachikta, Recursos Naturales no Renovables, Carlos Pérez kamachikta; Secretario de Derechos Humanos, Marlo Brito kamachikta kayanka.
Paykunami imamanta chay 2018 watapi, panchi killapi tapuypi, runakuna paykunapak hayñita arinishkata pakikun.
Shinami kay Comisión de Biodiversidad tantarita pushak, Alberto Zambrano, chay 2018 watapi, panchi killapi tapuypi, runakuna paykunapak hayñita arinishkata pakishkushkamanta, chay Antisuyu llaktapi kawsak runakuna achkata llakirishka kan nirka, chay churashka kamachiypak 3 nikipika, punkarata surkunkapa allpata utkuchun churan nirka.
Shinallatakmi Juan Cárdenas kamachiy killkakpash rimarka, payka Pachamamata kamana nirka. “Chay churashka kamachiywan Yasuní allpata wakllichikrin nirka, hatun kamachikkuna kaytami willana kan nirka”. Kutin Soledad Buendía kamachiy killkak, chay churashka kamachiypak 57 nikika Mamakamachiyta, karuyashka runakunapak kawsayta pakin nirka, chay runakunata wañuchina nishanin, rimarka.
Kay Fredy Alarcón, Edy Peñafiel, Henry Moreno, Absalón Campoverde, Liliana Durán kamachiy killkakkunaka chay churashka kamachikta takarka “Yasuní allpata wakaychinata takan, punkara munashpa saywata yallin nishpa atirirka”. Tukuy runapak kawsayta, paykunallatak karuyashpa kawsakta, charimushka kawsayta, pachamamapak hayñita kamana kan.
Maypimi, samarikuk kuskata kama, mana wakllichinachu kan, mana allpata utkuna kanchu nishpa rimarka. Mamakamachiypak 57 nikita, Código de Ambiente 162 nikita pakin nishpa atirka, imamantaka, chay rurak kamachikkunaka imamantatak punkara surkukwan, Mamallaktawan chay llankayta rurachun arinishkata willachun mañarka.
JLVN/ea/jc-kichwa
