Kunan tutamanta, Mamallakta Tantanakuypi, 14 Consejo de Participación y Control Social (Cpccs). Mamallakta Tantanakuyta pushak, llankaypi tiyarirka.
Shinami hatun kunakkunata, kipa kunakkunata llankaypi tiyachirka, paykunaka chusku watata llankanka, Mamallaktata hatunpi rikuchinka.
Awllik kunakkuna Consejo Nacional Electoral (CNE) akllakwasi paykunata shutichishka pankakunata chaskirka, 6 puncha, raymi killa, 2019 watapi chaskirka. Shinallatak 24 puncha, pawkar killa, 2019 watapi llaktakuna akllashka karka.
Paykunaka: Carlos Tuárez, Sofía Almeida, María Fernanda Rivadeneira, Walter Gómez, Rosa Chalá, Victoria Desintonio, Christian Cruz hatun kunakkuna llankaypi tiyarin.
Shinallatak, kipa kunakkuna: kay Ibeth Estupiñán, Mariuxi Moreira, Karina Ponce, Juan Javier Dávalos, David Rosero, Hernán Ulloa, Francisco Bravo runakuna llankaypi tiyarin.
Kay Consejo de Participación Ciudadana y Control Social kamaywasika, Función de Transparencia y Control Social del Estado awllikkunapak ukupimi kanka. Paykunami Mamallakta kamak, chapak hatun kamachikkunata llankaypi tiyachinka. Kay kamaywasikunaka Mamallaktapak Mamakamachiypi rimashkata hapishpa runakuna, llaktakuna, kamaywasikuna paypak yuyayta, rikuyta, kamayta churachun ñanta paskanka.
EA/jc-kichwa
