Kay Comisión de Fiscalización chuskuchunka pichka punchata chay La Fuente y Mil Hojas, Odebrecht willayta chayachinkapa charinka.
Chayka Odebrecht llaki kan, shuktak Ecuador llaktapak Pushak churashka Arroz Verde llakita tawka Mamallakta charishkata rimanka.
Chayka Lenín y Glas, paykuna Mamallakta Pushak, Kipapushak tukunkapa akllarikushpa kullkita tukuchishkatami rikuchinka, kay willayta 3 puncha, aymuray killapimi rikurirka.
Minkashka kamachiy killkakkuna llankayñanta arinirka, kaywan taripaykunaman yaykurina runakuna shamuchun mañashka kanka, kay taripaytaka Christian Zurita, Fernando Villavicencio kamachiy killkak churashkami kan.
Shinami kay llankayñanka kanchish hunkakunapakmi churashka kan. Kallaripi kay Resolución del Pleno hawa rimankakuna, kaywan willayta killkachun mañarka. Shinallatak llankaykunata pushanata arininka.
Kay killa, 24 punchamanta, 28 punchakama taripakkunata chaskinka, shinallatak Consejo Nacional Electoral, Diana Atamaint kamachik rikurichun kayashka kan, yallik kamachik Juan Pablo Pozo, Domingo Paredes kamachikkunata kayanka. Yapa, chay Contralor, Pablo Celi kamachikmanpash kimirinka.
Sitwa killa, 01 punchamanta, 05 punchakama Fiscal General del Estado kamachik, Directora del SRI kamachik, wanay taripaypi rikuchishka kamachikkunapash kayashka kanka. Kutin, sitwa killa 08 punchamanta, 12 punchakama yallik hatun kamachik, payta kay llakikunata taripachun churashkakuna kashkamanta, shukpaklla llankaywasi pushak kayashkamanta kayashka kanka.
Sitwa killa, 15 punchamanta, 19 punchakama Manabí markamanta, Los Ríos markamanta, markakamachkta kayanka, shuktak taripak kamachikunatapash kayanka.
Shinallatak sitwa killa, 22 punchamanta, 26 punchakama taripashka willayta killkanka, kutin karka kila, 01 punchapi, minkashka kamachiy killkakuna arininka.
SV/jc-kichwa
