Kayna tutamanta Mamallakta Tantanakuyta pushak, César Litardo, Seminario de Lucha contra la Corrupción y Delincuencia Organizada Ecuador. yachaypi karka.
Kay yachaytaka Consejo de la Judicatura kamaywasi, Unión Europea tantariwan pusharka.
Chaypimi Asistencia contra el Crimen Internacional Organizado (PacCTO) hawa rimarka, kamaywasipura makita kushapa shuwakunata, huchakunata harkashpa llankanata yuyarirka.
Mamallakta Tantanakuyta pushak, pay rimashpa, shuwakunata katishpa, takashpa, karkushpa llankakkunata, tukuy ayllullaktata yanapani nirka. Sarun awaki puncha, Mamallakta Tantanakuy chay Secretaría Anticorrupción de la Presidencia de la República kamaywasiwan shuwakunata harkankapa shuk yuyarita killkarka nishpa rikisichirka. Chay Por un Ecuador de Transparencia kachun llankashun rimarka. “Shuwashka kullkikunata tikrachimushun, Paraísos Fiscales shuwayta anchuchishun nishpa willarka”
Shuwaykunata anchuchinkapaka tukuy makita kushpa llankanami kan, chaypakka yachay kallari chanita, sumakkaytami katina kan; chay llakita anchuchik kamachiyta charina kan; kamaywasikunata allita pushak kishpiychikkuna katichun mañarka.
Kay yachayta chay llakikunata anchuchinkapa mañashkata alli chaskirka, yuyaykunapash achkata yanapan nirka. “Tantarishpa shuwachun mana sakina kanchik nirka, kay América Latina llaktakunapi shuwayta anchuchinka kutsik kutsik llankana kanchik nirka”, shinami rimarka.
Kay yachaypi Ramón Sáez Valcárcel, Audiencia de España kamaywasimantami kan; María del Carmen Maldonado, Consejo de la Judicatura kamachik; Pablo Celi, contralor General del Estado kamachik; Marianne Van Steen, Unión Europea kamachik rimarka, paykuna shuklla yuyayta charishpa llankanata arinirka.
EA/jc-kichwa
