Yachak Oswaldo Guayasamín wacharishka 100 wata paktakpi Mamallakta Tantanakuy kutintak pay shuyushkata yuyarishpa riksin.
Kay Ecuador llaktamanta Tayta Guayasamín hatun shuyuk, tullpuk, rumipi killkak karka, chaymanta payka tukuy allpapachapi hatun riksishka karka.
Kay riksishkataka hatun aknaypi paypak aylluman yupaychayta chayachishka kanka, paykunataka Mamallaktapak hatun tantaripi chaskishka kanka, kay wata, sitwa killa, 4 punchapi chaskinka.
Kay aknay ukupi, Mamallaktapak Participación Ciudadana tantari hatun yuyarina punchakunata, kawsaytarpuypak aknakunata rikunka. Kay llankayka Mamallakta Tantanakuyta riksinata, kawsaytarpuy yachayta sinchiyachina kanka; shinallatak hatun killkakkunata, ñawparimayta, hatun shuyukunata, “La Imagen de la Patria” tawashuyu yuyarina kachun arininka.
Shinallatak, killkak Édison Miño, “El Evangelio del Ecuador según Oswaldo Guayasamín. Descripción del Mural en el Salón de Sesiones del Palacio Legislativo” kamuta killkarka, paypash sitwa killa, 4 puncha, kay “La Imagen de la Patria” shuyu imata nishanishkata riksichinka.
Shinallatak Mamallakta Tantanakuy mayhankunalla, Oswaldo Guayasamín hatun yachakwan yanaparishpa llankakkunata yupaychan, riksin. Shinami kay sumak yuyarita tiksishpa sakin.
Kamachiy killkak Amapola Naranjo, yuyarita kallarichik, chay Oswaldo Guaysamín tayta shina tullpukka, paktakayta rikuchirka, wakcha runakunapak nanarita shuyushpa rikuchishka, chaymanta paypak yuyayta yuyarina kanchik nirka, rimashpa yachachirka, runakunapak hayñita mashkashpa ñakarishkata rikuchinka nirka.
RSA/ea/jc-kichwa
