“Mamallakta tantanakuy shamuk killakunapi mañaymashkayta tikrachishpaka Mamallaktapak may allimi kan.
Shinami llaktayukkunaman achka yanapay tukunka, William Garzón kamachiy killkak, Comisión del Derecho a la Salud pushak rimarka, shinami 2019 watamanta, 2021 watakama katikillata paktachinka.
Mamallakta Tantanakuy kunanpika kimsa llankaykunata charin, chayka: Código Orgánico de Salud kamachiyta Mamallaktaman shamuk killapi kunka; kay Deportes kamachiyta allichinka, chayka 6 yuyaykunata tantan; kay Deporte Barrial kamachiyta allichinka, Discapacidades kamachiytapash allichinka.
Chay tisiku runakunapak shamuk hunkapi minkashkapak ukupi kallari atinakuypak allichinka. Kay Deporte kamachiyta allichishpa, hatun allichirikkunatami shuyakun, kay allichikunataka shuklla hatun llankaypi, shuklla patapi ruranka.
Allikawsay
Kamachiy killkak William Garzón, kay Código de Salud kamachiyta allichina hawa kutintak llankashpa katina nirka, ishkaymita atinakuytaka ishkaypatapi rimashka kanka, chaypimi mayhanlla chay kamachiywan llankakkunapash yuyayta churanka.
Wakin nikikuna allichina kakpi kamachiy killkakkuna mana kasiklla kan, chaymanta Mamallakta Tantanakuyta pushak, César Litardo kamachikta willachun mañashka, wakin yuyaykuna, nikikuna mana achiklla kan, chaymi pantachin, chayta allichishpa tukuykuna hamutarishpa shuklla yuyayta charishpa arinichun kanka, nirka.
Apuchina hawa, Mamallakta Tantanakuy manarak shuklla yuyayta hapin nirka. Payka shuk kamachiy ukunta kimsa kutin apuchina nirka, chayka: Título Preliminar, Primer Libro, Segundo Libro, Tercer Libro y Disposiciones Generales, Transitorias y Reformatorias wankurikuna kanka. Chay Patricia Enríquez, kamachiy killkak, Wankurita katishpa shitachun mañarka, chay 35 kutin apuchina kanka, chayka yalli hatunmi kanka, nirka.
RSA/ea/jc-kichwa
