Kaya puncha Transporte Terrestre, Tránsito y Seguridad Vial Kamachiyta Mamallakta Tantanakuy atinakunka.
Chaypak kamachiy killkakkunata kayarka, shinami 09:30 sayllata atinakuy kallarinka, shukniki atinakuypak kamachiy willayta chaskinka.
Kay kamachiytaka kunan kamana pichkakutin atinakushka kashka, chaypi runakuna, kamachikkuna, tantarikuna, atinakurka. Yachana llikapipash antawa purichina yachayta yaykuchinata yachana kachun rimarka, antawa purichikkunaman iñukunata wichiyachina hawapash arinirka.
Antawa tantaripak pushakkuna
Mamallakta Tantakuy hunta tantari antawa tantaripak pushakkuna rimashkata uyarka, paykunaka anta aptyupi purikkunata, kuyu apyupi sumaychana hawa rimarka, shinallatak Centro de Apoyo a Víctimas de Accidentes de Tránsito (Cavat) tantari, Corazones Azules tantari, Escuelas no profesionales del Ecuador tantari, Asociación de Trabajadores y Trabajadoras del Transporte tantari shamurka, sapan pushakkuna alli yuyayta rimarka.
Ista llaktamanta yachakkuna
Pakta pakta, Mesa Ocasional de Tránsito tantari, Fafo Gavilánez pushashka, paykunawan imashina antawa llankayta alli pushanamanta rimarka, chay alli yachaykunawan kamachiyta killkana nirka. Ashtawankarin, Luis Stuven, secretario Ejecutivo de la Comisión Nacional de Seguridad de Tránsito de Chile pushak, antawa sinkuykuna, waklli ashayachunka yachaymi achkata yanapashka. Kutin, Álvaro Gómez, Observatorio Nacional de Seguridad Vial de España pushakka, ña chunka watamanta ñami 70 % patsakri wañuy ashayashka nirka, shina ashayachunka ama machana, ñanpi ama puñurichun yachachina kan, nirka.
Kutin, Carolina Figueroa, Fundación Emilia de Chile tantarita warmi pushak, kay Convivencia Vial Kamachiywan yachachina nirka, antawata purichikkuna kimirinakushpa, antawa purichik, anta apyupi purik, kuyu apyupi purik, chakiwan purik sumaychanakushpa purinata yachana nirka.
MG/jc-kichwa
