Kay Comisión de Participación Ciudadana y Control Social minkashka, mushuk mitapi paypak llankayta rurankapa kamachiy killkaypi, runakuna tantarikunaman chamuypi, kamachiy llankayka chapaypi kimirishka kanka. Shinami Raúl Tello minkashkata pushak rimarka.
Kunankama minkashka chusku mushuk kamachiykuna killkanata charin, kimsaka ñami willayta killkashka kan.
Chayka, kaytami shukniki, ishkayni atinakuyta ruranka, shuk kamachiyka killkarikukmi taririn, chayka Recuperación de Capitales- shutitami charin, shuk killapi ñami chayachishka kanka.
Runakuna kamachiyta killkaypi yuyayta, rimayta, llankayta churashpaka, chaymi hatun yanapay kanka. “Paykuna imatapash achikllami llankayta, ima ruraytapash rikuchinka, mana shinakpika llakta ushaymi urmanka, wakllirinka.
Shinallatak, llankayta chapanamanta rimashpaka, Minkashkapak llankayka: Consejo Nacional Electoral (CNE) José Cabrera kunakta, Esthela Acero kunakta, Luis Verdesoto kunakta kayanka, paykunami imashina Consejo de Participación Ciudadana y Control Social (Cpccs) kamaywasi imashina llankakushkata rikuchichun kayarka, chaypi yallik akllaymanta rimanka. Kay willaykunata kamachiyta katishpa killkashkami kan, chayta rikushpa Verdesoto kamachikka, mana shina kakta rikuchirka.
Katimanka, Tello kamachiy killkak, chilla puncha, minkashkaman yaykurishkakuna Diana Atamaint Mamallakta Akllak hatun kamachikta chaskishun nirka; shinallatak Enrique Pita Kipapushakta chaskinka, yallik Consejo Nacional Electoral Transitorio, Gustavo Vega yallik hatun kamachikta chaskinka, kunan Consejo de Participación Ciudadana y Control Social, José Tuárez pushakta chaskinka.
Kamachiy killkak, chay Tuárez kunak Mamallaktaman willachun alli kanka nirka, shina achiklla rikuchishpa llaktay huchawan katikushkata, paypak sumakkayta pakishkata rikuchichun mañanchik nirka, pay imashinami yanka huchachikun nishkata rikuchichun mañarka.
Runakuna rimashpa willashkawan, killkakunapi rikurishkawan chimpapurashpa katik minkashka allita rikunka, ña pay huchata charikpika llaktay wanachiyta ruranka katinka, shina llakikuna upallarinka.
SV/ea/jc-kichwa
