Shinami Código Orgánico de Seguridad del Estado kamachiyka chusku hatun yuyayta charin: Defensa Nacional, Seguridad Ciudadana, Inteligencia, Riesgos yachaykunata charin.
Kaykunami Relaciones Internacionales minkashkapak kallari llankay kan. Shinami Fernando Flores, minkashkata pushak rimarka, tukuykunaman riksichirka.
Kallari atinakuypa willayta killkashpa utka tukuchinkapa uchilla tantarita wiñachina nirka. Llaktayukkuna kamay mana tiyan nishpa mañakun, willarka.
Llaktayukuna Mamallaktapi runakunata kamay mana tiyan nishpa rimankuna, kayka kamachiy mana tiyakpimi shina kan nishpa yuyan, chaytami Mamallaktapak chikan chikan kamaywasikuna paktachinata charin, kamachiy killkak rimarka.
Shuktak hatun llankayka kay Reforma a la Ley Orgánica de Movilidad Humana kamachiy rurana kan, kay kamachiywanka Ecuador llaktamanta ista llaktapi kawsak runakunata kamana yuyaytami charin, istapi kak runakunata kamankapa Mamallakta Tantanakuymi alli kamachiy hillaykunata kunata charin nirka.
Llankay katikuy
Kay llankaykunata katinamantaka, minkashkapak ñawpakpi chikan chikan kamachikkuna rikurinatami willarka, chaypimi wichkana wasikunapi ancha llaki tiyashkata rikuchirka, chayka achka huchayuk runakuna huntashkamanta tiyashkakuna wakllirishkata willarka. Shinallatakmi chay Centro de Privación de Libertad de Latacunga wasipipash kan nirka. Chay Ambato kitipi, Riobamba kitipipash shinallatakmi kan nirka. Chay wichkana wasipika ista llaktakunamantami 1900 runakuna tiyan, Colombia llaktamantami achka tiyan nirka.
Kay Unasur wasi
Kay Tratado Constitutivo de la Unión Suramericana de Naciones (Unasur) tantari hawa, kay Comisión tantarimi chay Cancillería kamachiykunata kayarka, chay tantari Ecuador llaktamanta richun nirka, chayta achiklla rimankapa Ernesto Samper, yallik Unasur Hatun killkamayukta shamuchun rimarka, ama chinkarichun nishpa shuk killkata kachashka nirka.
SV/ea/jc-kichwa
