Warmi kamachiy killkakkuna Tokio llaktapi llankayta paktachirka

Jueves, 04 de julio del 2019 - 11:29 Imprimir Elaborado por: Sala de prensa

Shinamin María Mercedes Cuesta (FE), Jeannine Cruz (CREO), Elizabeth Cabezas (AP), Cristina Reyes (PSC), Gabriela Larreátegui (SUMA) kamachiy killkakkuna chay Cumbre Anual del Foro Global de Mujeres Líderes en Política tantaripi karka.

Chaypimi G20 llankaypak tiksikunata churana nirka, allpapachapi unipak llankayta, mana pakta kawsayta, wakchayayta, paktakayta rimarka.

Shinami, 87 Mamallaktakunamanta, 422 kari warmi runakuna chayarka, paykunaka allpapachapi mana pakta pakta kawsayta allichinkapa rimarkakuna, kari warmi runakuna ima llankaypipash, yuyaypipash, arininapipash pakta pakta kankapa pushaykunata rurankapa rimanakurka, chaypak llaktay yanapayta churanka.

Kay tantaripi, Elizabeth Cabezas kamachiy killkak, kay shina rimanakuyka sapan watapimi kan nirka, kay tantaripika tawka llaktay tantarimantami chay rimanakuypi karka, paykunaka kari warmi pakta pakta maypipash llankankapa rimarkakuna. Warmi kakpi llankayta kunkapa llakichishkata anchuchinkapa rimarka.

Llaktaypi sinchiyashka pushak warmikunapak tantanakuy, G20 llaktakunapak tantanakuymi karka, kay tantarika 28 puncha, 29 puncha, Osaka llaktapi pusharirka. “Ecuador llakta kay atinakuymanta mana washaman sakirinata rimarka. Mamallaktaka achka kamachiykunatami warmikunata llankayman yaykuchinta charin, shuktak Mamallaktawan rikukpika shinami rikurin”, Cabezas rimarka.

Paymanta, María Mercedes Cuesta achkata yachachik tantarimi karka nirka. Ecuador llaktapak Mamallakta Tantanakuypika 38 % patsakri warmikunami kanchik, paykunaka hatun llaktaykunatami pushan, chay Fiscal General hatun kamachik kan, shuktakkunaka Mamallaktapak hatun kamachikkuna kakta rikuchirka.

Kay hatun tantari kipa, G20 hatun tantariman shamukkunaman shuk illu pankata charichirka. Chaypi Cuesta kamachiy killkak, llankashkamanta mana pakta pakta hapina kunankaman katin. Karikuna wacharishkamantami, warmi wawakunapak chikan kan, warmita shukatak sami kamana kan, karita shuktaksami kan, chaypi kakkunawan yachaykunata rantinchirirka, shina mushuk yuyaykunata yachanchik, Cuesta rimarka.

LP/jc-kichwa

 

Av. 6 de Diciembre y Piedrahita · Teléfono: (593)2399 - 1000 | Quito · Ecuador