Kay Comisión de Fiscalización y Control Político minkashka chay Exministra de Salud Verónica Espinosa kamachikpak llakita riksinkapa Johanna Cedeño kamachikta chaskirka.
Kay wanachitaka, Mae Montaño kamachiy killkak huchachishkata kayna chishi uyarka, chaypi kak kamachiy killkakkuna, shuktak kamachikkunapash yapa yanapar.
Kay Mae Montaño kamachiy killkak wanachichun mañarka: hampikunata panta rantishkamanta, paypak llankayta mana alli rurashkamanta, kari warmi wawakuna chichuna hampita mana alli kamashkamanta huchata rikurka.
Shinami, chay hampi tawa mana alli rurashka kakta rikushkamanta; hampi llikata mana alli kamashkamanta, hampishpa yanapayta mañachik mana nikishka kakta rikushpa huchachishka kan.
Kay Código de Salud kamachiyta ukllankapa shamukkunaka hampik kamachik mana allita llankarka, unkushkakunata, hampita mutsukkunata mana alli kamarka nishpa huchachin. Yallik hampik kamachikka Mamakamachiyta, Orgánica de la Salud kamachiyta pakirka, chaymanta kay hatun kamachik wanachishka kanka nirka.
Kay hampi tawata ruranaka mana sinchichu kan, shinapash mana alli rurakpika wakcha runakunata, upallalla kak runakunata, llaktakunata, kari warmi wawakunata, imillakunata, apankara unkuywan kak pakta runakunata achkata llakichishka kan nishapa kamin, chaymanta kay VIH/Sida unkuyka wañuyman chayachishka, yuyak runakuna chay mishki unkuy llakichishka, catastróficas unkuyta charik runakunaka yapa anchayashka.
ñawpakman
Kamachiy killkak, Mae Montaño kamachiy killkak, kay taripaytaka chay Contraloría kamaywasi mañashkami rurarirka nishpa willarka, imashinami chay Hospital Delfina Torres de Concha hampi wasi, Esmeraldas markapi. Kay hampina wasipi 16 hunuta tukuchishka hawa, manarak punkuta paskan, rimarka.
Kay VIH unkkuypak hampikuna, hillaykuna mama alli rikurinchu nirka, chayta rikukpika imashina hampita, hillaykunata rantishka mana alli kakta rikuchirka, shinallatak may wakaychina, imashina hampita kachashka, chaykunata Contraloría kamaywasi ashtawan riksinkapa taripakun.
RSA/ea/jc-kichwa
