Kay Comisión de Participación Ciudadana y Control Social tantari, chay Raúl Tello, Consejo de Participación Ciudadana y Control Social (Cpccs) José Tuárez pushakta, Walter Gómez kunakta llaktay wanachiyta rurachun arinirka.
Chay Tuárez kushipatata wanachinkapa, Tello kamachiy killkakpak yuyaypika, pay akllarikushpa pantayta charishka, chaytami Comisión tantaripi paypak huchata mana rikuchishka, kaymantapash llaktay tantaripura rimanakuyta charinka.
Kay tantaripak arinishka, chay Consejo Nacional Electoral Transitorio mana allita llankashkamanta wanachiyta rurana yuyaritami charikun, shinami 2019 watapi chay yuyarishkakuna. Shinallatak Tribunal, Contencioso Electoral kamachikkunata kayarka, chaypimi imashina yachakkuna makita kushpa alli kamachiyta surkunka.
Kaykay rimanakuy tantarika chay Fiscalía kamaywasiman rikuchishkata riman, kayka Minkashkakuna paypak tantarikuna, rimanakuypi hapishka yuyaykunata killkashpa, chay Tuárez kunak mana alli pankakunata churashpa akllarishkata huchachishpa, wanachinkapa taripaykunata rurashpa kallarishka.
Rikuchiykuna
Yuyarishkakunata manarak arinishpa Walter Gómez kamachik, Cpccs kamaywasiman yaykurishka, kay Comisión tantariman chayamuchun mañanka, kaytaka 21 puncha, raymi killa, llaktaypura takarinakuyta rikuchirka, mayhan llaktayta takarinakuchitaka Cpccs, wañuk Julio César Trujillo kamachikmi kallarichishka, chayta apuchiwan anchuchina nishpa riman.
Chay José Tuárez kunakman willayta kachashka
Kay Comisión de Participación Ciudadana y Control Social tanatri, chay José Tuárez, Cpccs pushakman willayta kachashka, chaymanta 3 puncha, sitwa killapi willayta kacharka, Función Legislativa tantariman shamuchun mañarka, shinapash Comisiones Especializadas tantaripak llankayta mana riksishka karka. Chay Tuárez pantayta charishkata ashtawan rimarka, chaymanta Función Legislativa kamachiy 76 nikipi rimashkata katishpa, tukuylla awlli mana shamukpi llaktay wanchiyta rurashka kanka.
SV/ea/jc-kichwa
