Kay Comisión de Biodiversidad 751 yuyariwan llankaykuna paktakushkata rikushpa purin, kay yuyariwanka Tagaeri, Taromenane runakunapak llaktamanta punkarata surkunatami yanapan.
Chay allpaka Parque Nacional Yasuní allpapimi sakarin. Kay rimanakuypi Ministro de Ambiente, Marcelo Mata kamachikka, kay yuyari rimashka 3 nikika Mamakamachiywan takarin nirka.
Kay pantay ukupi, Lenín Moreno Garcés, Mamallakta Pushak shuk killkakshka willayta kachana nirka.
Shimi pay anchuchichun mañashun rimarka, shinami 2018 wata, panchi killa llaktakuna Yasuní allpamanta punkarata surkuchun harkashkata sumaychana nirka, chay llaktapi kawsak runakunapak hayñita sumaychachun mañana.
Shinami kay hatun kamachikka arinirka, kay Comisión de Biodiversidad minkashka atirishka kipa, uyashpami shina nirka. Paykunaka Mamallakta Tantanakuy Declaratoria de Interés Nacional killkakta willashkata, llaktakuna tapuy iskankapi arinishkata pakikun nirka, Yasuní allpa pakirina kuskamanta Mamallakta pushak punkarata surkuna willayta Mamallakta Tantanakuyman chayachina karka nirka, kay kamaywasimi arinina mana arininatapash rimana karka nirka.
Kamachiy killkakkuna tantari, Parque Nacional Yasuní allpamanta punkarata ama surkuchun 751 yuyarita washaman sakichuna mañashun nirka, paykunallatak karupi kawsanata munak runakunapak, llaktakunapak hayñita ukllashun nirka, shinalllatak Declaratoria de Interés Nacional yuyarishka panka paktakushkata rikunkapa rishun nirka.
Kay minkashkapak arinishkaka yuyaytaka, pachamamata, chay llaktapi kawsak runakunata kamak, ukllak tantarikunapak llankaywan kimimirin, antisuyupi llankak Kikinllatak Karupi Kamachik kamaywasikunapash arinishkawanpash kimirirka. Runakunapak hayñi, Pachamamapak hayñika hatun kamachikkunapak hawapimi kan nirka.
Minkashkapi, Mario Ruales, Ministerio de Ambiente kamaywasita kamachiy yanapak rimarka. Kikinllatak manyayarishpa kawsanata munak llaktakunaka Mamallakta rikuna llankaymi kan, chaymanta Mamallakta kamachik, Mamallakta tantakuy, Kishpiychikkuna, Achiklla kamaywasi rikunata charin nirka.
Kay 31 kuskamanta, 43 kuskamanta punkarata surkuna saywana kachun nirka, chaypak Protocolo de Conducta pankata tantachirka. Shinallatak kamaywasipak hillaykuna, ista hillaykuna mana sakinka, paykunapak manyayarishpa kawsanata munak runakuna ama chinkarichun kamachikkuna kamana, mana sakina kanchu, Mario Ruales rimarka.
JLVN/ea/jc- kichwa
