Kay Compañías Kamachiy mushukyachun may allimi kanka, tukuy pacha ama alli kakpika allichinami kanka.
Ecuador llakta llankak wasikuna allichirikukpi. Mushukyarikukpi, kutin wallparikukpi, tantarikunata yanapakukpi kamachiytapash allichinami urmanka.
Chaymanta ista llaktakunapak kamachiywan kimirishkami kanka, shinami Comisión de Desarrollo Económico pushak rimarka, Compañías Kamachiyta pushak Esteban Albornoz shinallatak rimarka.
Shinallatak kay kamachiy killkak tawka arinishkakuna hawa rimarka, kamachiy runakunata mana wakllichishpa, mana llakichishpa yaykurishkapura allichirina kachun mañarka, kipaman shuktak sami tantarikunamanta rimarka, chakrishka rimanakuykunata willarka, mintalak kamaywasikunata, mushuk llankaykunata rikushpa kamachiytaka mushukyachina kan, nirka.
Kay mushukyarikukpurata tantachinata ushanchik, shina tawka tantarikunata shuk wankuritalla ruranata ushanchikmi, chaywan chinkachinata, mushukyachinata shuk kutinlla ruranata usharinkami nirka. Kay transfronterizas llankakwasikunata, Ecuador llaktamanta, istallaktamanta shuktak, mana kashpaka yalli llankakwasikuna tantarishkami tantarinata ushan, paykuna Mamakamachiypi rimashkata paktachishka llankakwasikuna tantarita ushan.
Kamahiy killkakkuna atinakuypi, César Rohon kamachiy killkak, kay kamachiyta allichinaka, paykuna tiyakpimi allichirinkuna. Llankanawasi puchukarina katikuykuna yapa uniyaykpimi, kay kamachiyta allichina kan nirka. Kutin Marcela Cevallos kamachiy killkak, mintalankapa harkakuna tiyakpi, ista llaktakunawan mushuksami mintalaykuna tiyakpimi, zirmapi killkana ñanta mashkashka rikurin, chaymanta Mamallakta Tantanakuy Compañías Kamachiyta mushukyachikun.
JLVN/ea/jc-kichwa
