Kay Mi Mundo 2030 watakama katikillata willaypimi tawka llaktakunamanta 300 runakuna tukuylla, shukpaklla kamaywasikuna karka.
Shinallatak César Litardo Caicedo, Mamallakta Tantanakuyta pushak karka, payka Desarollo Sostenible llankayta yanapan, Naciones Unidas tantari pushanka.
Kay “ Tantarishpa llankaypimi ushayka kan, chaymanta Mamallakta Tantanakuy 2030 watakama katikillata yanapanka. Ñukanchik yanapayta charinki”, shinami Mamallakta Tantanakuyta pushak rimarka, kay yanapayka 2017 watamanta hiniti shamun nirka.
Kay tantarika Guayaquil llaktapi pusharirka, chaypimi, Otto Sonenholzner, Mamallakta kipapushak karka 2030 watakama llankaykuna wiñari Mamallaktapak llankay kanka nishpa rimarka.
Tawkamanta, chay Programa de Naciones Unidas para el Desarrollo (PNUD), Matilda Mort kamachik, Ecuador llaktamanta tukuylla, shukpaklla kamaywasikuna ñawpakman 2030 watakama llankanata arinishkamanta yupaycharka, chaymi mana pakta pakta kawsanata, chirikunuk rantinchikta mana llullashpalla rurana nishpa rimarka, 170 llaktakuna rimarka, chay ukupimi Ecuador llakta kan, chaymanta tukuy runakuna sumak kawsayta charichun, allita llankakun.
Kay Cecilia Paredes, chay Escuela Superior Politécnica Nacional (ESPOL) sumak yachanawasita pushak, kunanmi amawta yachayta pushak yachana wasikuna runakunata, yachakukkuna allita, mushuk chanikunata yachachichun yanapanka, shinami mushuk kawsayta yanapanka.
Shinami Mi Mundo 2030 watakama katikillata, Ministerio de Cultura kamaywasi, Fundación Edúcate de Guayaquil kamaywasi, PNUD kamaywasi, Fundación Premios Latinoamérica Verde kamaywasi rimanakuyta pusharka.
JC- kichwa
