Chay Chimborazo llaktamanta runakuna Día de la República punchata Riobamba llaktaman kamachiy killkakkuna shamuchun kayarka.
Chaypi rimanakuyta charichun mañarka, chayka kuski killa 11 puncha kanka. Kay punchatami Función Legislativa, 2017 watapi yuyarichun arinirka.
Chay watapimi Mamallakta Tantanakuy, Riobamba llaktapi Ecuador como República, 1830 watata punchata yuyarirka.
Shinami Israel Cruz, Chimborazo llaktamanta rimarka, shinallatak Juan Pablo Cruz, kay punchami Perú, Colombia, Argentina, México, Estados Unidos llaktakunapi yuyarin nirka, kay punchatami kunan pakta runakuna, imillakuna, wamrakuna shamuk watakuna yuyarinka nirka, shina rimakpi tukuy kamachiy killkakuna makita waktashpa yuyarirka.
Tayta Manuel Freire, kamaywasikunapak shutipi, kamachikkunawan tanta shamurka, payka kunan Mamallakta Tantanakuyta yupaycharka, paypash kamachiy killkakkuna chay llaktaman shamuchun kayarka. Hernán Costales, riksinapi llankakkunapkk shutipi, Riobamba llaktapi kawsak runakuna kuyayta kuk runakunami kan nirka, tiyak kamaykuna, kawsaytarpuykuna chaskin nirka.
Kay Riobamba llaktata “Ciudad de las Primicias” shutiwan riksin, kay llaktapimi tawka wiñaykawsay rurarirka, España llaktamanta runakuna kallari kitita wiñachishkami kan, chayka 1534 watapi karka, chay watapillatakmi kallari apunchikwasita, chay wasita raku allpawan, rumiwan, kaspiwan, ukshawa rurashkami kan. Apunchik shimita yachachinkapalla mana karkachu,
Kay 1873 watapi Mercedes de Jesús Molina shutita churarka, kutin 1976 watapika, warmikuna kallari hatarita rurarka.
Kay Riobamba amawtakuna wacharina kan, kallari amawtapak churuini kan, Ecuador llaktamanta kallari churikunami kan, Ecuador llaktapak, Pedro Vicente Maldonado kallari shuyu pankata rurarka, kallari wiñaykawsayta killak, Padre Juan de Velasco kushipata killkarka. Kay 13 puncha, 1929 watami Radio El Prado anki wiñarirka.
LILA/ea/jc-kichwa
