Kay Ministro de Economía, Richard Martínez kamachik yuyak runakunaman kullkita chayachishkata minlla chilla puncha willanka.
Shinami 09:00 sayllata, chay Comisión de Participación Ciudadana y Control Social tantariman chayanka.
Shinallatak chaypi, yachachishpa rukuyashka 8400 runakuman kullkita chayachinata willanka, paykunaka 2008 watamanta, 2009 watamanta, 2010 watamanta kullkita mana hapishka.
Kamachiy killkak Raúl Tello, chay Ministro de Estado kamachikta, chay 8344 rukuyashka yachachikkunaman kullkita kuna punchakunata rikuchichun mañarka, paykunaka 2011 watamanta, 2017 watakama yachachina llankayta sakirka.
Chay, Martínez Hatun Kamachik, tantaripak ñawpakpi kashpa, Ministerio Kamaywasi yachachikkunaman kullkita kushkata willanka, mayhan markakunaman kullkita chayachishkata, mashna chanita kushkata willanka, mashna yachachik rukuyashpa, ancha unkuykunawan, tisiku kashpa, utu kashpa anchurishkata willanka.
Kamachik Ministro de Economía anchuriishka kipa, Mamallaktapi yuyakyashka yachachikkuna tantarita minkashkakuna chaskinka, paykunaka Día del Jubilado aknayta kushiyarinkapa chayamunka, sarun chilla punchamanta minkashkakuna paykunaka kayashka kan.
SV/ea/jc-kichwa
