Kayna chishi Consejo de Participación Ciudadana y Control Social, José Carlos Tuárez pushaktata, shinallatak Victoria Desintonio, Walter Gómez, Rosa Chalá rimayta charikkunata wanachinkapa Minkashka tantarirka.
Chaymanta paykuna Corte Constitucional churashkata mana paktachishkamanta wanachinkapa, chaypak shuk yachakta kayashka.
Shinami kayna chishi Jeannine Cruz, Raúl Tello y Fabricio Villamar wanayta katikkuna imamanta wanachinata riksichirka, tukuyman willarka.
Kay Jeannine Cruz, Raúl Tello kamachiy killkakkuna wanachinkapa chayllatak yuyayta charirka, paykunami kimsa rimayta charikta, Tuárez pushakta wanachinkapa mañarka, paykuna minkashka llankayta mana paktachirka, Corte Constitucional kishpiychikkuna, chay Cpccs-Transitorio arinishkata shuyupi rikuchirka.
Kay Villamar kamachiy killkak, Tuárez llankaypi pantarishkata rikuchirka. Shinallatak Cpccs pushak Mamakamachiy rimashkata washaman shitar, Runakuna chaypi kamata harkak llakikunata taripachun mañan, kaykunata pantarishkatami riksichirka.
Paymanta Tello kamachiy killkak, Consejo tantari, Mamakamachiyta llakichishkata riman, shinami Servicio Público kamachiyta, Participación Ciudadana kamachiyta, Código de Procesos kamachiyta pakinka nin, chaymanta Ecuador llaktapi kawsak runakunata llakichinka riman.
LILA/jc-kichwa
