Chalwata hapinkapa mana kamay tiyan, shuwaykuna, ashalla kullkipi katurin nirka, hamutachirka.
Shinallatak lluchunkata charik kanchis tantarikunata Comisión de Soberanía Alimentaria tantari chaskirka.
Chayman Ministro de Producción, Iván Ontaneda kamachik chayman rirka, pay llakita uyashpa, wakin alli yuyaykunata churarka.
Kay Secretario de Estado kamachik, paykunapak llaktapi, paykunwan shuk tantarita rurana nirka, chaypi imashina llakikunata anchuchinata rimashun, yuyarishu nirka, chay llakikunami llankaykuna wiñarichun, allichirichun harkan, Carlos Bergman kamachiy killkak rimarka, shinami Mamallaktapi llakikuna tiyak allichishkanchik rimarka.
Chaymi chalwa kapukyaykunata mirachinkapa alli llankaykunata rurana kan nirka, shina ñukanchikpak Mamallakta shuktak Mamallaktakunawan chimpapurashpa alli kapukkunata rikuchinka nirka. Pakalla katushka, rantishka chimpapurashpa katunata harkan, chaykunata harkankapa Mamallaktapak kamachikkuna makita kushpa kamana, harkana, ukllana kanka nirka, chapashpa llankanata chay Ministerio del Interior kamaywasi ruranka.
Kay Julio Balón, Pescadores Artesanales Pargueros tantarimanta shamuk, Chalwa Kamachiy ña mawkayashka kan, chay kamachiywan ñawpakman rinata mana ushanchik nirka, alli hillaykunata churashpa Mamallaktapak alli kachun allichichun nirka. Shinallatak Gonzalo Delgado, payka Asociación Social de Emprendedores del Mar (Mapucasa) tantarinatami shamun, makiwan chalwak runakunaman alli yanapayta charichun nirka, alli llankay patakunaman churachun mañarka.
LILA/ea/jc-kichwa
