Kay Consejo de Administración Legislativa (CAL) tantarishka tukuykuna, chay Consejo de Participación pushakta kimsakutin huchachin.
Kayna punchami huchachirka, shinami José Carlos Tuárez, Consejo de Participación Ciudadana y Control Social (CPCCS) pushak wanachishka kanka.
Chaytaka Raúl Tello, kamachiy killkakmi huchachin, paymi chay Mamallaktapak hatun ushaypak pushakta urmachinata munan, paylla hatun tukusha yuyan .
Shinami CPCCS pushakta kimsa kutin huchachin, chaytami CAL arinirka, chay Fabricio Villamar kamachiy killkak huchachishkata hapirka, payka Coalición Nacional tantaripi kan. Payka Tuárez pushakta, CPCCS, Walter Gómez rimayta charikta wanayta churan, huchachishkata mana tikrachishka nishpami wanayta churan, Tello kamachiy killkakmi huchachichirka.
Kay Ana Belén Marín, CAL shukniki rimayta charik, huchachishka pankataka chay Comisión de Fiscalización tantariman kachashka riman, chay CPCCS kamaywasiman yaykurishka chusku rimayta charikta kayachishka. Kay huchachishkakunaka yallik wanayta churashka pankakunatami yanapanka nirka.
Arinishkakuna
Shinallatak, CAL tantari, minkashkakunata kayashka, mashna chayashka, mana chayashka willaykunata chayachichun mañarka. Kay Ana Belén Marín kamachiy killkak, CAL tantariman yaykurishka, tawka minkashkakuna mana rimanakuyta charishka nirka. Chaymanta sapan minkashkapi llankak killkakamayukkuna willachun kayarka, sitwa killa 31 punchakama llankashkata willachun mañarka.
EA/jc-kichwa
