Kay Gorki Obando, chay Automóvil Club del Ecuador (Aneta) pushak, chay Comisión del Desarrollo Económico kayashkakuman kimirirka.
Kay Fomento a la Movilidad Sostenible y Desarrollo de la Electromovilidad kamachiyta rimashpa shina nirka.
Kay kamachiyta ña arinichun mañarka, tawkakutin rimanakushka kan nishpa rimarka, tukuykuman achiklla sinchita rimashpa riksichirka.
Kay Galápagos llaktapika 140 vehículos eléctricos antwa tiyan, chay Loja llaktapika, flota de taxis tiyan, Guayaquil llaktapika 20 runa tiyarina zirma antawa tiyan, shinallatak Quito llaktapi electrolineras antawata churana uyarirka. Achkakunami kay kamachiy arinirichun mañan.
Mama, Elizabeth Cabezas kamachiy killkakpak yuyayka, mana chayllachu karka. Antawakunaka 42% patsakri ushaytami mikun. Kunan antawa shayarina kuska, sapan punchami ishkay hunu mirarin. Kay 2018 watapimi 137 waranka antawakuna mirarirka, chakrushka antawakunaka 16 waranka mirarirka, zirma antawaka 0.01% mirarirka.
Pachamamamanta rimashpaka, tamyachik karpakunamanta waksika pataririshka. Pankalla antawakunaka, chusku hatunpukcha CO2 yakuta kachan, Ecuador llaktaka ishkay hunu antawakunatami charin, chayka pusak hunu CO2 yakutami sapan 465 punchapi kachan, chaytami riksina kan.
Kullki mirarishpa yanapanatami shuktak, alli yuyayta kurka. Antawakuna rupana yakumanta zirmaman tikrashpaka ishkay hunu kullkitami wakaychichinka, kunan rupana yakuta kushkamanta chaytami mana ña kunka. Antawata allichina ña anchurinka, kamachiypash kullkita apamunkapa achkata yanapanka.
Kay mushuk llankaykuna katichunka kullkiwan yanapaymi mutsurik shina rikurin, tukuykunapak antawa llankaypi kanka. Chay Agencia Nacional de Movilidad Sostenible kamaywasita wiñachina mutsurin nirka, chaywan uchilla kamachiyta killkana, arinina kanka. Tawka kamaywasikuna chayamunka, paykunapak yuyayta churanka.
LILA/ea/jc-kichwa
