Kay Desarrollo Económico minkashka zirma mitachita kuk llankakwasikunawan chimpapurankapa mushuk llankayta rikun.
Kay mushuk llankay Energía Eléctrica kamachiyta allichinata mashkan, mushuk yuyaykunata churan.
Kay mushuk kamachiyta riksinkapa Wilma Andrade kamachiy killkakta kayarka, paymi achiklla riksichirka.
Kay kamachiyka shuklla llankakwasikunawan llankana yuyarikuna tukurinata, payayanata yaykuchin nishpa willarka, kay llankay yuyaritaka Economía Popular y Solidaria kamaywasi rikushkawanmi killkakanka. Kaytaka chakruashka, tukuylla llankak wasikunaka mana hapinchu.
Shinami zirma mitachita kushpa tukuylla, chakrushka llankak wasikunaka tukuylla kamaywasikuna kamashkami kanka, paykunami hillaykuna mawkayashka, payayashka, tukurishkata rikuchina kan, kay llankaykunata rurankapa kamachikkuna arinishkata charinka. Llankakwasikuna mana arinishkata charikpika Mamallakta mana wichna, puchukana ushayta charinchu.
Kay tukurikkunaman shuk mitata churashpaka zirma mitachita kuk llankakwasikuna paypak llankana mita suniyachinatapash ushanmi, shina arinishka pankawan llankakushka kawsaywan paktachinka, llankaywan kimirichun hillaykunata churanka.
LILA/jc-kichwa
