Mamallakta Tantanakuy Daniella Camacho mañashkata mana paktachinkapa arinirka shinami chay llakika sarin.
Payka Corte Nacional de Justicia kamachikmi kan, chay Viviana Bonilla yallik kamachiy killkakta wanachinkapami mañarka.
Mamallakta Tantanakuy 73 apuchiwan, Raúl Tello kamachiy killkak mañashkata arinirka, chay Daniella Camacho mañashkata tikrachinkapa arinirka.
Shinami Viviana Bonilla, yallik kamachiy killkakta wanachina chaypilla sakirka, payka 2013 watamanta, 2014 wataqkama, Guayas markapak, marka pushak karka, chaypimi Función Legislativa kamachiypa paypakmllankakykunapi pantarita charirka, Mamakamachiypak 128 nikita,
shinallatak kamahiy killkakuna Camacho kamachik, kay 2012 watamanta, 2016 watakama yallik Rafael Correa Mamallakta Pushak kashpa llankaypi pantayta charishkata, Jorge Glas Mamallakta Kipapushak kashpa pantayta charishkata riksichichun mañarka, chay watapi shuwaykuna tiyashkata rikuchina karka.
Katipika Eliseo Azuero kamachiy killkak rikuchishkata 78 apuchiwan kamachiy killkakkuna arinirka, shinami Daniella Camacho kamachik mañashkata tikrachina yuyarirka, payka Rafael Correa, Jorge Glas yallik hatun kamachikkunata wanachinkapa mañarka, chay huchakunaka aymuray killa, 24 puncha, 2017 watamanta, kulla killa, 4 puncha, 2018 watakama, Mamakamachiy 120 nikipi rimashkata pantashka.
SV/lp/jc- kichwa
