“Llaktakunamanta kamachiyta killkana, patakupilla mana killkana” Fafo Gavilánez kamachiy killka rimarka, payka Comisión Ocasional de Tránsito tantarita pushami kan.
Chaypi Transporte Terrestre, Tránsito y Seguridad Vial kamachiy hawa atinakunka, llaktakunapash kay Mamallaktapi antawa sinkushpa wañuykuna, chukrikuna ama tiyachun kamanka.
Kay rimankuyka kunan puncha 17:00 sayllamanta kallarinka, chay Consejo Nacional Electoral de la provincia de Cotopaxi, Democracia wasipi pusharinka, chayka General Proaño, Sánchez de Orellana ñankunapimi sakirin. Chayman chayak runakuna kamachikuna, tantarikuna, antawa pushakkuna yuyaykunata churanka.
Shinami kamachiy killkakka, Mamallakta Tantanakuymanta kikinkunapak yuyaykunata, kachaykunata riksinka nirka, chaytami kay Kamachiyta minkashkakuna ashtawan allichichun mañarka. Mamallakta Tantanakuypak hunta rimanakuypimi tawka runakunapak, kamachikkunapak, antawa pushakkunapak yuyayta chaskinchik nirka.
Willaypika tawka mushukyaykunami tiyashka, imashinami Ministerio de Educación kamaywasika, yachakukkuna Seguridad Vial hawa yachachun yachana llikata killkanka; antawata purichikkuna kamachiyta, pushanata yachachun mañanka; chay Consejo Consultivo kamachikpash llankanka; kitipi, pakllapi purina antawan tiyachun mañanka; kullkiwanachikuna, patachikuna tiyachun llankanka; yachashka pankata hapina; antawa purichikpak malliyta hapinka; antawata purichinata yachachik wasikuna hawa rimanka.
JLVN/ea/jc-kichwa
