Kay 40 watata Ecuador llaktaman llakta ushay tikramushkata yuyarishpa shina kamarita kushpa aknaykunataka ruran.
Chaymanta Mamallakta Tantanakuy tawka yuyarikunata kay hunkapi charin, kamu katuna, yachaykuna, takikuna, karwa killa, 5 punchamanta, 8 punchakama kay llankaykuna tiyan.
Kayman 300 runakuna shamurka, paykunaka aknay kallarin yachayman shamurka, paykuna achkata tarpurka, hamutarka.
Tukuypak kamachikkuna tsiknita, takayta, awkakuna llakichinata washaman sakirka, isankapi apuchinata churashpa Mamallakta Pushakta hatun kamachikkunata akllachun ñanta kurka.
Kay llaktayukkuna chaypi kay, hayñikunata ukllana, wakcha runakuna yaykurichun, llaktapi llaktay tantarikuna anchurichun, rimanakuykuna, yuyarinakuy, rimaykuna, atinakuy paskarichun achkata yanaparka, shina Mamallakta wiñarichun, kullkikuna mirarichun achkata yanaparka, shina Mamallakta hatunyarka.
Kay rimankuyka llakta ushay paktashka, mana paktashkata rikunkapa karka, Mamallaktapak ushaykuna hawapash rimayka karka, achiklla llankaykuna katichun kanka, alli llakta ushayta paktachun, shuwaykuna anchurichun, mana allikunata anchuchinkapa alli llankaykunata pushankapa kamachikkuna allichirinka.
Kamaywasi mushukyashkata rimarka; Función Legislativa purimushkata, llakta ushay sinchiyashkata, llakta ushaypi runakuna kashkata, imashina 1979 watapi, 1998 watapi, 2008 watapi Mamakamachiy allichirishkata, Ecuador llakta hatunyashka, hatun llakikunata washaman sakishkata rimarka.
JLVN/ea/jc-kichwa
