Mamallakta Tantanakuy, kamachiy killkakkunapak 117 apuchiywan Código Orgánico Integral Penal kamachiyta ishkaykutin atinakun.
Paykunaka nikikunata, wankurikunata katishpa atinakun, shinami alli kamachiy Mamallaktapi tiyarinka, runakuna alli kawsayta, kasilla kawsayta charichun yanapanka.
Kay 6 puncha, karwa killa, Fortalecimiento de la Seguridad Ciudadana kamachiypak shuk kamuta, chusku kapakniki, ishkay wankurita rimanakunka, shinami 202 nikikama atinakun, Mamallakta mañashkami kay nikikunataka paktachirka.
Shamuk 611 yupay tantaripimi, 217 nikita atinakunka, chaypimi mintalanamanta, rakinamanta, kanchamanta rantinamanta, kullkanamanta, alli hampikunata runakunaman rantinamanta tukuri churashakakama atinakushpa arininka, shinami Anticorrupción y Protección al Denunciante kamachiypak nikikunawan rimanka, kay COIP kamachiypak nikiman yaykuchirka.
Shinallatak Igualmente, kamachiy killkakkuna wanachina punchakunata urayachinkapa mana yuyaywan karka, wanachina punchakunata urayachikpika, ñampi shuwakuna, ashatalla shuwakkuna ñapash wichkawasimanta surkunka, chayka ashtawanmi llaktayukkunapak tiyashkakunata shuwashpa llakichinka, kimsa warankamanta, pichka warankakama wichkashka huchayuk runakuna llukshinka.
Kay rimankuytaka 16 kamachiy killkakkuna rimashka kipa, Comisión de Justicia, Ximena Peña, kamachiy killkak, César Litardo Caicedo Mamallakta Tantanakuyta pushak, kay rimanakuyta chaypilla sakichirka, ashtawan rimashpa katinkapa shuktak punchami kayanka.
EG/ea/jc-kichwa
