Tukuyllamanta, shukpakllamanta shamuk runakunawan Comisión del Desarrollo Económico tantari antankapi purina kullki wichiyashkata rimarka.
Chaymanta tawka rimayta uyashpa imashina urayachinamanta rimarkakuna, kipaman chay Superintendencia del Poder del Control de Mercado kamachik willachun mañarka, chani urayachun katinka.
Chay Según Gabriel Martínez, Ministerio de Obras Públicas minkashka kamachik achkata rimarka, alli yuyaykunata kurka, chaypi kak kamachikkuna allita hamutarka.
Kay Martínez kamachikka antanka hawa anshak pachata kishpiyrishka purichun, ama shuktak antankakuna Mamallaktaman yaykumuchun kamashkami kan nirka. Risikkikuna ista llaktamanta shamuchun ñanta paskana, paykuna kullkita apamuchun shuyanami alli kanka nirka. Chaypak antankata pawachik rupana yakupak chanita 40% patsakrita urayachina, kayta DAC kamaywasi rikunata charin nirka.
Chaymanta chay Aeroregional pawana llankay tiyarirka, kayta katishpa 210 kullki, kunanka Quito llaktamanta-Cuenca llaktaman, chaymanta Guayaquil llaktaman chayashpa 160 kullkita kuchun willanchik. Kallari killa 2020 watapi, Manta llaktapi antanka tiyarina pampata ña allichishka tiyanka, chayta ñukanchikman yallichinka, chay rurana llankaykuna tiyan nirka.
Shinami chay César Rohón, Fernando Callejas, Rubén Bustamante, Guillermo Celi, Fernando Burbano, Elizabeth Cabezas, María Mercedes Cuesta, Doris Soliz, Esteban Albornoz kamachiy killkakkuna, kay pawashpa llankayta riksina llankakluna wiñarichunmi may alli kan, kipaman shuktak llankaykunata churana kanka nirka.
LILA/ea/jc-kichwa
