Chilla, 14 puncha, Mamallakta Tantanakuy Consejo de Participación Ciudadana kamachikkunata wanachiynata riksinka.
Chaymanta 09h30 sayllata rimanakuy kallarinka, chaypimi José Tuárez, Consejo de Participación Ciudadana y Control Social (Cpccs) kamachikta wanachina hawa rimanakunka.
Shinallatak Victoria Desintonio, Walter Gómez, Rosa Chalá kunakkunata wanachinata kallarinka, kaytaka Fabricio Villamar, Jeannine Cruz, Raúl Tello kamachiy killkakkuna churashkami kan.
Tukuy willaytaka Comisión de Fiscalización tantari killkarka, paykunaka Mamallakta Tantanakuy Cpccs chusku kunakkunata wanachichun mañarka. Paykunaka José Tuárez kamachik, pankakunata mana alli killkashka, llullashka nishpami huchachin, Participación Ciudadana y Control Social kamachiy mañashkata mana paktachin nishpa riksichin. Chayta Fiscalía General del Estado kamachikman tikrachinka.
Ashtawanakarin, Cpccs kamachiypak, 21 niki, 10 yupaypi rimashkata mana paktachin nishpa rikuchin, iñikkunapash kushipata shina mana alli yuyaykunata kurka nishpa willarka, paypak llankayta mana paktachirka nishpa rimarka. Kay pankakunataka Contraloría General de Estado kamachikman chayachishka kanka, chaypi imashina Cpccs kunakkunata akllashkata riksinka.
Chay minkashkakuna killkashkapika Consejo de Participación Ciudadana kamaywasi, kimsa kunakkuna, Servicio Público kamachiyta, Garantías Jurisdiccionales kamachiyta, Cpccs kamachiyta, chay Consejo de Participación Ciudadana Transitorio kamachik, Corte Constitucional kamaywasita mañashkawan takarin nishpa riksichin.
Kay tutamanata Mamallakta Tantanakuypi ashalla pachata killkachun churashka, John de Mora, chay Consejo de Participación Ciudadana kamaywasiman rirka, chaypi Mamakamachiypi rimashkata katishpa, Kamachiypi rimashkata katishpa, chay "Bajo lo que dice la Ley Orgánica de la Función Legislativa hemos notificado a los vocales del Consejo de Participación Ciudadana y Control Social, killkata chayachirka, chaywan llaktay wanachiyta kallarin, shamuk chilla puncha 09:30 sayllata rimanakuy kallarinka, chay puncha Mamallakta Tantanakuyman chayamunka, shinami Comisión de Fiscalización y Control Político" killkakshkata willanka.
SV/eg/jc-kichwa
