Kay Emprendimiento e Innovación Kamachiyka mushuk llankayta pushankapa kullki tiyachun yanapanka.
Chaypi llaktayukkuna, ayllullaktakuna, runakuna paypak llankaykunata ñawpakman pushakapa makipi charinka, shina paypak mintalaykunata pushanka, achka kullkita chairnka, chaypak Comisión de Desarrollo Económico tantari kamachiyta allishkapa katin.
Kay Ecuador llaktapi kawsak runakunaka kullkita mañashpami llankan, tayta Esteban Albornoz, kamachiy killkak, payka tantarita pushakmi kan, paypak yuyaypika, pakta runakunaman kullkita mañachinkapa allpata, wasita, charishkata paypak shutipi charichunmi mañan, chaytami mana charin nirka.
Mushuk llankayta wiñachikkunaka chay Fondo Nacional de Garantías kullki wasipi kimirishpa kullkita mañanatami ushan, chaypak tukuyklla kullkiwasipi, shukpaklla kullki wasipi kipurishkami kana kan. Chaytami Junta de Política y Regulación Monetaria kamaywasi rikunata charin, chaypak shuk kamachiyta wiñachinata riman.
Kay killki wasita mañankapa, shukpaklla mitachi kullkita mañankapa shuyuk ñanmi kan, kallaripi muyupak mañachina kullkitami hapinata ushan, llakita yanapak kullkita mañanatami ushan. Chaypak kullki wasika mushuk llankaykunata rurachun kullkita makipi churana kan. Kullki wasikunami llaki tiyakpi, yachaykunapi yanapanka.
Chay Capital Ángel kullkiman yaykurichunpash ñanta kun, kullkita churak yachachishpa, tiksi kullkita kushpa yanapanka, kallaripika kullki achkayaypi, kullki tiksiyaypi, hatun yashpa istaman rikurikpi llakita charinka. Kullkita churakman kunkkapa 49% patsakri mana hawayankachu.
LILA/ea/jc-kichwa
