Kay Mamallakta Tantanakuyta pushak, César Litardo Caicedo, paypak 100 puncha llankaypika kamaywasiyayta, kimsa kamachiykunata llaktaman alli kachun rurarka.
haypimi achka rimaykunata llankaykuna hawa riksichirka, shinami tukuyka 86 mushuk llankaykunata rurashka, shinallatak kimsa llaktay wanachiykunata rurashka.
Kay llankaykunata chikan chikan llaktay tantarikuna shuklla yuyayta hapishpami paktachishka, paykuna Mamallakta, markakunata yanapana rayku kamachiykunata rinirka, llakikunatapash allichirka, llankaykunata katikushpa mana yanka llakita katikushkata, kamachiykunwan takarikushkata rikushpami katirka.
Kamachiykuna
Kamachiykuna, Kamachiy Kipupi killkarishpa llankakukunaka: Servicio Público de Energía Eléctrica kamachiy; Aviación Civil kamachiy, Código Aeronáutico sobre la investigación de Accidentes e Incidentes Aéreos kamachiy, Derogatoria del Impuesto Verde kamachiykuna kan, kay kamachiykunaka kimsa hunu runakunatami yanapanka, kay kamachiykunaka pachamamata mana wakllichichun yanapanka, ashalla kullkita charik runakaunata yanapanka.
Kay rikuchishka 86 mushuk llankaykunamantaka chay Consejo de Administración Legislativa (CAL) tantari, 59 mushuk llankaykunata arinirka, ña 46 mushuk llankaykuna kallari atinakuyta yallirka, 13 mushuk kamachiykuna ishkaykutin atinakuyaman yaykurinka.
Llakita alli chawpina
Yachaypi rukuyashka runakunata yanapankapa Hatun Kamachikwan shuk yuyarita killkarka nishapa, Tayta César Litardo, Mamallakta Tantanakuyta pushak willan, shinami 32 yuyak runakuna, mana mikushpa 15 punchata atikta rikushpa, chay llakita pitichirka, chaytami kay kamachikkuna yanapayta rikuchin.
MG/jc-kichwa
