Kay achiklla Parlamento Abierto achiklla rimanakuyka tiksimi kan

Miércoles, 28 de agosto del 2019 - 16:02 Imprimir Elaborado por: Sala de prensa

Tayta, César Litardo Caicedo, Mamallakta Tantanakuyta pushak, chay Parlamento Abierto y Datos Abiertos Legislativos rimanakuyta kallarichirka.

Kay llankaytaka Observatorio Legislativo tantarimi pushak, kay Mamallaktamanta, ista llaktakunamanta yachakkunami pushakun nirka.

Kay rimanakuytaka Con Datos y AbreLatam, ista llaktakunmantami wiñachishka kan, kay rinamauypika: kamaywasikuna, amawtakuna, shukpaklla llankakwasikuna, hatun kamachikkuna, llaktayukkuna rimanyta charin nirka.

Paykunami tawka mushuk yuyaykunata, runakunapak hayñimanta, tukuylla mitachimanata, achikllaymanta, llaktayukkuna chaypi kanamanta, mushuk sumak ruraymanta, shuktak achkakunamanta rimayta churan, ashtawan tukuy mashnaman rikuchin.

Kay rimanakuypi, Mamallakta Tantanakuyta pushak, Mamallalakta Tantanakuypi Mamallaktapi shukniki kamaywasi kashpa achiklla llankayta rikuchin nirka. Kay Parlamento Abierto rimanakuymi llaktayukkuna paykunapak yachayta, kawsayta, llakita riksichichun kuskata kun, Mamallaktata yanapachun alli kamachiykuna killkakrichun yuyayta churan nishpa riksichirka. Shamuk hunka kay Parlamento Abierto achiklla rimayta charichun hillayta churanka nirka.

Tayta Mauro Andino, chay Unidad de Técnica Legislativa tantarita pushak, paskashka rimaypak kimsa hatun yuyay tiyan nishpa riksichirka: chayka achiklla, chaypi kana, yanapay; may alli tukuylla llaktayta rurankapa tiksi yuyaykunata churanka. Chaypi kamachikkuna, amawtakunata, kamaywasikunata yanapanka, llaktayukunapak mañayta yanapak kamachiykuna tiyanka.

Paymanta, Juan Belbis, kay Iniciativa Latinoamericana por los Datos Abiertos (Argentina) tantarimanta, kay Parlamentos Abiertos rimanakuy achiklla tukunka nirka, llaktayukkuna llakta ushayta hamutachun yanapana nirka, tukuylla kamaywasi ukupi tiyanka, llakikuna ama tiyachun yanapanka.

Kay rimanakuypi Natalia Albañil, yallik Transparencia del Senado de Colombia e Indira Salazar yallik pushak chaypi karka, Unesco kamachik karka, paykunaka Parlamento Abierto rimanakuy may alli kakta rikuchirka, shinami tawka runakuna rimayta charichun kipaman yanapanka nishpa rimarka.

SV/ea/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador