Chay Los Ríos marka, Vinces kitipak Estadio 14 de Junio pukllana pampapi, César Litardo Mamallakta Tantanakuyta pushak, chay Seguro Social Campesino kamaywasi 51watata paktachishpa raymita, aknayta ruraypi karka,
Chayman tawka kamachikuna, tantarikuna chayarka, tukuymanta tantachikpika 10 waranka runakuna ayllullaktamanta, kitimanta, markamanta, istamanta tantarirka.
Kay rimanakuypika llakta ushayta, Ecuador llaktapak wiñaykawsayta paktachirka, runakunapak munayta, shuyayta paktachishka, Mamakamachiypi rimashkata llaktakunaman, runakunaman, kamaywasikunaman chayachishka, Litardo Mamallakta Tantanakuyta pushak rimarka.
Tantarina
Llaktayukkunapak mutsuyta, llakita, mañayta allichinaka Ecuador llaktapi kawsak runakuna, kamachikkuna, yachakkuna, kamaywasikuna tantarina kanchik nirka. Paktallapi, kitikunapi tiyak wakchayayta tukuchinkapa shuk Pacto Nacional tantarita wiñachina nirka, chay runakuna tiksi kawsayta charichun, aylluman kullkita yaykuchichun, kipaman paykunaka kullkiyuk tukunka.
Vices llaktapak hatun yachana wasi
Chay Secretaría Nacional de Educación Superior, Ciencia y Tecnología (Senescyt) kamaywasi, Consejo de Educación Superior (CES) kamaywasi, Vinces kitipak kamachikkuna kimirinakushpa rimayta charirka, paykunawan rimarinakushpa chay Instituto Técnico Superior wasita wiñachinata yuyarirka, chayka yallik Universidad Técnica de Guayaquil paya wasipi awllinka, kay yachana wasitaka Universidad Zamorano yanapanka. Kawka wasikunataka allichinkapa Vinces kiti yanapachun arinirka.
MG/jc-kichwa
