Kay Comisión del Desarrollo Económico tantari, chay Servicio Público de Energía Eléctrica kamachiy ishkaykutin atinakuyta charichun ñami willayta chayachirka.
Chaytami Mamallakta Tantanakuy shamuk punchakunapi atinakunka, kamachiyta mushukyachishpa pakllapi, kitikunapi pukllana pampakunata achikyachichun yanapanka.
Kamachiy killkakkuna kallari rimanakuypika pakllapi pukllana pampakunata achikyachichun yanapana karka, kunami minkakshka kamachiy killkakuna kitipak pukllana pampakuna achikyachichun kamachiy yanapachun churarka.
Pukllana pampakunapi achik tiyakpika, runakuna chaypi samarishpa, pukllashpa, tushushpa, tantarishpa ukun kuyuy yachaykunata ruranka. Chaymi alli kawsayta runakunaman kunka, tukuy unkunkuna kuyurishpami runakunata uksita charin. Tutami hatun tantarikunata, rimanakuykunata pushachun achikka yanapanka.
Tayta Esteban Albornoz, chayta rimaka tantarita pushak kan, yanka ñankunapi, kushiyarina kuskakunapi ama yanka achik tiyachun saywarka, shukpaklla pukllana pampakunapi achik llika tiyachun saywarka, chaypak ranti sapsi ayllullaktakuna achikta charichun yanaparka.
Shinami kay kamachiyta allishishpa katik kamachiy killkakunaka rikurayashpa katikuchun, alli kamachiy killkarichun punchanta allichishpa katin. Shinallatak mashna zirma rupakta rikushpa, tupushapa, mashana achikta millpukta kamachshpa katin. Ayllukunapak kullkita mana hapinchu, tukuy llaktakunapi zirma mashnata rupakta rikuchishpa achik tupuman rakinka.
LILA/ea/jc-kichwa
