Tayta César Litardo Caicedo, Mamallakta Tantanakuyta pushak, kamachiy killkakkunata 611 yupay tantariman kayan.
Chaymanta kaya puncha katimushka rimanakuyta charinka, 10:30 sayllata kallarinka, chaypi Código Integral Penal kamachiyta ishkayniki atinakuyta pushanka.
Mamallakta Tantanakuyta pushak shuwaykuna hatun huchata harkanamanta rimarka, warmi wawakuna, imillakuna ama llakita charichun harkanamanta rimarka, runakunata shuwaymanta, pay mana munakpi warmita llakichinamanta kamachiywan harkanata willarka.
Shinallatak, Mamallakta Tantanakuyta pushak, César Litardo, llaktay tantarikunawan rimanakushpa shuklla yuyayta hapinamanta rimarka, llakitukushka warmikuna ama yanka shulluchun, shinallatak unkuykunata harkankapa cannabis hampita hapinatapash rimarka. Pay markakuman rikpi runakunata kamachun mañarka nishpa willarka, chaypak kamachiykunata ashtawan allichina nirka.
Kamachiy killkak, Ximena Peña, Justicia minkashkata pushak, sarun karwa killa, 1 punchapi, chay COIP kamachiyta allichishpa 69 mushuk kamachiykunata rikunchik nirka, 60 nikikunata allichishkata, shinallatak 60 tantarikunata chaskishkata rimarka. Chay COIP kamachiypak I kamupi 26 wanachina samikunata allichishka kan, mayhan runata shuwakkunata, chukrichikkunata, wañuchikkunata 7 sami wanachiynata arinishkata rikuchirka.
SV/jc-kichwa
