Kamachik César Litardo Caicedo, Mamallakta Tantanakuyta pushak, kay Emprendimiento kamachiyta, mushuk llankayta wiñachina kamachiyta kallari atinakuyta charinkapa, kuski killla, kulka 5 puncha tantariman kayarka, 09:00 sayllata kallarinka.
Kallari atinakuytaka karwa killa, 7 puncha atinakurka, 17 kamachiy killkakkuna paykunapak rikuyta kurka.
Shinallatak chaywan ashtawan allichinka, chay yuyaykuna sumak hillay kanka, chay yuyaywan imashina kamachiy killarinata yapa yanaparinka.
Kamachiy killkak Esteban Albornoz, paymi Comisión del Desarrollo Económico tantarita pushak kan, mushuk llankaykunaka llankaytami wiñachin, llaktakuna wiñarin, kullkipi mana watarishka kan, llaktayukkunata achkata yanapanka.
Kay mushuk llankayka, mana churashka kullkita kuchin, wasikunata, hillaykuna utka chayachin, sinchi pankakunata mana mañan. Hawalla sumakruraykunata runakunaman yachachin, kay llankana kuskakunapika hatun yachakukunami yachanata ushanka.
Shinallatak kullkita mañankapa yanapan; muyupak kullki, llakipak kullki, kullkita utka churachun yanapan; kamay kullkita churachun yanapan. Yanapak kullkita tiksita charina, mushuk llankaypak llankay yuyarikunata churana, tukuy chaypak Consejo Nacional kamaywasita churana kanka.
LILA/ea/jc-kichwa
