Kayna puncha kamachiywan Móvil (APP) Asamblea Ecuador willayta, Mamallakta Tantbnakuypak willay kachun, kaymanta llaktayukman chayachun kamachiywan churarka.
Kay willayka Mamallakta Tantanakuytpak hatun hillaym,i kanka, kayta katishpami kamachiy killkakkuna hillayta chatrinka.
Shinallatak chikan chikan tantarita pushak willankapa hillayta makipi charinka, shinami Nela Martínez ukupi rimanakuyta tukuyman willanka.
Mamallakta Tantanakuyta pushak, César Litardo Caicedo, kay yuyarita arini punchata Mamallakta Tantanakuypak wiñaykawsay kakta riksirka, kay willaywan kamachiy killkakkuna, awllikkuna, llankakkuna llaktata yanapankapa mushuk willana ñanta kunanka charin nirka, kay “Móvil willanawan Mamallakta Tantanakuy llaktayukta alli yanapanka”, nirka.
Kay mushuk willana ñantaka 100 % patsakrimi Mamallakta Tantanakuypak sumakrurakkuna pushanka. Shinami “Mamallakta Tantanakuypak awllita kamaywasiyachinkapa sinchita llankakunchik”, yapa rimarka.
Paymanta, Claudio Prieto, Servicios Tecnológicos llankayta pushak, Kay Aplicación Móvil willayta pushayka, Mamallakta Tantanakuypak willayta, PDF pankamanta willayta urayachinata ushankami nirka, kay pankakunaka taripankapa may allimi kan nirka.
Shinallatak willayta mashkak runaka 2012 watamanta, kunankama willaykunata tarinka, shinami punchanta willaykuna hapinka, kamachiy killkakkuna rimanakuyta tukuchikpi, ñapash willayka chayanka, kay mutsurishka willaykunata charinaka llaktayukunapak makipimi kanka, yanapak pankakunapash ñapash chayanka.
Llaktayukkuna, kamachikkuna, awllikkuna, runakuna, pushakkuna, llankakkuna, yanapakkuna Teléfono Inteligente hillayta charinami kan. Mmallaktapi kunanpika kay Dispositivos Móviles Inteligentes en Ecuador chusku hunumi ña tiyan, yapa rimarka.
EG/jc-kichwa
