Ka kikinllatak wañuna Día Internacional punchamanta Mamallakta Tantanakuy nanarin

Martes, 10 de septiembre del 2019 - 15:41 Imprimir Elaborado por: Sala de prensa

Tukuylla hampinapak hatun llakimi kikinllatak wañunaka kan, manarak wañukpi harkanami alli kan, kayta minkapi runakuna harkana ñanta charina kan.

Mamallakta Tantanakuy runakunata shina wañunaka mana alli kan nishpa yachachinkapa shuk ñanta mashkakun, chayta runakuna yarichun mañana kan.

Sapan wata, kuski killa, 10 punchami, tukuy allpapachapi kay llakita yuyarin. Kamachiy killkakkuna kay punchamanta nanarinkapa kimirirka.

Runakuna ama kikinllatak wañuchun yarichina nishpa tawka yachaykunata, tantarikunata, rimanakuykunata rurankapa kallarishka, shina kay llakita pitinka yachaykunata mirachinata ushanka.

Shinami shukka Feria de Salud Mental, yachay tiyarka, chaypi tawka stands pataku tiyarka, chaypimi alli yuyaykunata hapin, alli yachayta chaskin. Mana alli yuyayta hampina, hampina tukuylla llaktayta pushana hawa wawakunaman, ashtawankarin imillakunaman akllashpa yachachin.

Sapan wañuymi aylluta pakin, ayllullakta llakichin, kay llakita kipaman runakuna yuyarin. Kikinllatak wañunka mayhan watata charikpash wañunllami, kay 2016 watapika 15 watamanta, 29 watakama charik tukuy allpapapchapi wañurka.

Shuk patakuta Ministerio de Salud Pública kamaywasi churarka, kutin shuktaka Colegio de Sicólogos churarka. Shinallatak Centro Ambulatorio de Especialidad San Lázaro wasi, chay Distrito D-04 kamaywasiman kimichishpa churarka. Kaypimi Claudia Chávez amawta runakunata alli yuyayta kurka, kamachiy killkakkunata yapa yachachirka, paykunaman imashina kay wañuyta harkanata riksichirka.

RSA/eg/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador