Kamachik César Litardo Caicedo, Mamallakta Tantanakuyta pushak, Consorcio de Gobiernos Autónomos Provinciales del Ecuador (Congope) kamaywasiwan, Asociación de Municipalidades del Ecuador (AME) tantariwan, Consejo Nacional de Gobiernos Parroquiales Rurales del Ecuador (Conagopare) tantariwan yanapay yuyarita killkarka.
Kay yuyarika makita kushpa, rimanakushpa, llankaykunapi yanapashpa alli llankaykunata wallpanka.
Shinallatak kamachiykunata allichinaka alli yuyaykunata tantarikuna, kamachikkuna, kamaywasikuna, kitikuna, llaktayukkuna churanka. Shinami GAD kamaywasiman yaykurishka, kimirishka runakuwan alli kamachiyta killkana kanka, rimarka.
Chaymanta Mamallakta Tantanakuyta pushak, César Litardo Caicedo, GAD kamaywasita yanapankapa kutintak arinirka, chaymanta Mamallakta Tantanakuy llaktakunata sapan killa riksinkapa llankayñanta rurarkani nirka, chaymanta chay Código Orgánico de Organización Territorial, Autonomía y Descentralización kamachiyta mushukyachina, llaktakunapak saywata tupuna hawa, llankay yuyarita killkanata rikurkani nirka.
Chay GAD kamachikkuna
Chay Pablo Jurado, Congope kamaywasita pushak, llaktakunata yanapankapaka chikan, chikan Hatun Kamachikkunapak patakuna llaktakunaman chayashpami alli kanka nirka. Chaykuna rimashk Raúl Delgado pushakwan, AME pushawan, GAD pushakkwan shuklla yuyayta charirka, chay Desarrollo Fronterizo kamachiywan, 200 sayllakunata yanapana nirka.
SV/jc-kichwa
