Anta kushnikunawan kitikunapi pachamama llakita rurakpi, imashina allichina llankayñanta rurashka, chaymanta Comisión Ocasional de Tránsito tantari, kay killa mincha 18 puncha 18:00 sayllata, “la cicleada por la movilidad activa” kallpayta rikuchinka.
Shinami hawa Estadio Olímpico Atahualpa pampamanta anta apyupi kallpay kallarirka, Mamallakta Tantanakuyman chayamurka, yapa tamya tiyakpi mana achka runakuna shamurka.
Anta apyupi tiyashpa kallpakkuna Mamallakta Tantanakuy kayashka kuchuyamurka, paykunaka 6 de Diciembre ñanta, Quito kulla ñanta shamushpa Mamallakta Tantanakuypak wasiman 19:00 sayllata chayamurka.
Shinami Juan Montalvo pampapi shayarirka, kay kuskapimi César Litardo Caicedo, Mamallakta Tantanakuyta pushakpak makipi Transporte Terrestre, Transito y Seguridad Vial kamachiyta churarka, kay kamachiyka Mamallaktapi antawa purikta rikuchun yanapanka.
Mamallakta Tantanakuyta pushakpak, Tránsito kamachiyta alli killkankapa achkata yuyaykuna yanapakta rikushpa, kallpashpa chayamukkuta kushikuy yupaychayta chayachirka “Kay kamachiywan llankanata charikkunata washaman churashpa kamachiyta arininata mana usharinkachu”, kay Kamachiyta shamuk hunkapi atinakushun nishpa, rimarka.
Kunanka Mamallakta Tantanakuywan, Mamallakta pushakwan makita kushpa llankakunchik nirka, kay kamachiyka llaktayukpak kawsayta sumakyachinka nirka. “Kuyu antawapak ranti pachamamata mana mapayachik antawata, anta apiyuta mirachinami Mamallaktapak llaktayka kan nishpa Litardo, kamachiypak yuyayta charirayarka. Shina purinata charik Mamallaktakuna kullkipipash achkata hatunyashka, kaytami kamachikkuna yanapana kan nirka.
RSA/ea/jc-kichwa
