Achka runakunata tantarishpa Takiwan, tushuywan Mamallaktapak José Mejía Lequerica ukupi Foro de Alimentación Escolar-Ecuador “Nutriendo el Presente” yachay kallarirka.
Kay yachaytaka, Comisión de Soberanía Alimentaria tantari, Frente Parlamentario Ecuador sin Hambre tantari, Organización de Naciones Unidas para la Alimentación y la Agricultura (FAO) kamaywasi pusharka. Kay yachayka Alimentación Escolar kamachiy killkarichun achkata yanaparka.
Kay yachaypi pakllapi yarikaymanta, wakchayaymanta rimashpaka, chay wakchaykunata anchuchinamanta rimarkakuna, chaypakka chikan chikan llaktakunapak kawsayta riksishpa kay Objetivos de Desarrollo Sostenible (ODS) llankayta paktachichun mañarka, chaymanta runakunata kamanamanta yuyarirka.
Yachana wasipi mikuy
Kay Najla Veloso, Proyectos de Alimentación Escolar FAO kamaywasimanta yachanwasikunapi mikunaka may allimi kanka nirka, yachakukkuna alli mikunata, aychayachik mikunata, runakunapak kawsaytarpuywan pakta kachun rimarka. Shinallatak yachana wasikunapi yuyukunata, murukunata tarpunata yachachun mañarka, chaypi taytamamakuna, wawakunata minka rurachun, kawsatarpuypurata sinchiyachin mañarka.
Paymanta, Eduardo López, Administración Escolar del Ministerio de Educación kamaywasimanta killkakkamayuk, kallari yachakukmanta, tiksiyachakukmanta, ishkayshimita yachakukkunamanta, paktayachakukmanta tantachishpa 2018 watapaika 2.9 hunu mikukkuna tiyan nirka, chayka $174.8 hunu kullkita mikuypilla tukuchishka.
SV/ea/jc-kichwa
