Kay República Popular China wiñarishka, 70º wata paktakpi, César Litardo Caicedo, Mamallakta Tantanakuyta pushak, tantarishka kamachiy killkakkuna, chay Beijing y Shanghái llaktapi hatun kamachikkunawan rimanakuyta charirka, chaypimi Universidad de Agricultura hawa, tarpuyruray hawa rimanakuyta charirka.
Mamallakta Tantanakuyka, ishkantin Mamallakta yanapaypi, wawkiyaypi sinchiyachun achkata kamachikkunawan mushuk yuyaykunata churashpa llankakun.
Chay llaktaka mintalaypi Mamallaktapak kimsaniki tinkinrishka llaktami kan, shinami llankaykuna mirarichun, kapukkuna kamachun Mamallakta Tantanakuypak katikilla llankay kanka.
Kay yuyaywan paktankapami sarun wanra punchapi chay Organización Internacional del Bambú y Ratán (INBAR) tantariwan shuk rimankuyta charirka, shuk yurata Ecuador llaktapi tarpunkapa mañarka. Shamuk wayru killa, 21 punchatapi, Ecuador llaktami chay Consejo de la Entidad Internacional kallarik puncha kanka.
Yachaypi yanapanami ishkantin Mamallaktapak hatun llankayka kan. Chaymantami 500 yachakukkuna amawta yachaykuna, kallpay yachaykunata China llaktapi pushakun, 350 yachakukkunami chay Mamallakta karashka yachakun.
Chaymanta Mamallakta Tantanakuyta pushak, César Litardo, Beijing llakta yachakukkunawan rimanakuyta charinka, alli yuyarikunata surkunka.
Llaytayta yanapakwan shuk rimanakuy
Mamallakta Tantanakuyta pushak, César Litardo, paywan rik kamachiy killkakkuna Comité Nacional de la Conferencia Consultiva Política del Pueblo Chino (CCPPCh) pushakwan, Beijing llaktapi rimanakuyta charinka, chaypi ishkantin Mamallaktakuna makita kushpa llankanamanta rimarkakuna.
EA/jc-kichwa
