Mamallakta Tantanakuy sarun kuski killa, 17 puncha, Comisión de Soberanía y Relaciones Internacionales tantari, kay Ecuador llaktamanta runakunapak tiyak kipushkata taripayta kallarichun arinirka.
Chayta willankapa kaya puncha, 10:00 sayllata Ministra de Gobierno, María Paula Romo kamachik, Ministro de Telecomunicaciones Kamachik chayamunka, rimanka.
Shinallatak Sociedad de la Información, Andrés Michelena kamachik, Rimanakuy Patakuman shamunka, chaypi paykuna imashina chay huchachi kashkata riksichinka.
Kay Tantarita pushak, Fernando Flores kamachik kayashka, chay Directora Nacional de Registro de Datos Públicos (Dinardap) kamachik, Lorena Naranjo Godoy kamchik, Gerente General de la Corporación Nacional de Telecomunicaciones (CNT), Martha Moncayo kamachik shamunka.
Shinallatak kay kamachikkuna chay runakunapak tiyak kipushkamanta huchachishkata Mamallakta imashina katishka willayta rikuchichun tapunka, shinallatak kay llaktapi kamay mana tiyashkata, kay willaykunata rikunamanta, kamanamanta willachun kamanka.
Kay sumak yuyaytaka Homero Castanier kamachiy killkak, Juan Cristóbal Lloret kamachiy killkak churashkami kan; kayta yuyaritaka tukuykuna shuklla rimaywan yanaparka. Kay taripayta tukuchishka kipaka Minkashkami Mamallakta Tantanakuyman willayta chayachinka.
SV/ea/jc-kichwa
