Shamuk hunkapimi, César Litardo Mamallakta Tantanakuyta pushak, Mamallakta Tantanakuypi zirma sumakrurayta allichinaka mashna kullki tiyashkata willanka.
Chaymanta riksishpa kunanpi tiyak kipikunaka yapa payayashkami kan nishpa willarka, chaymanta mushuk kipikunata rantina kan nirka, chaywan alli llankaykunata rurana nirka.
Kay willana hillaykunapi, Litardo Caicedo, Mamallakta Tantanakuyta pushak, chay Embajador Chen Guoyou kamchikwan rimanakuyta charirka, alli llankaykunata rurashun, makita kushun nishpa kushiyarirka.
Payka Huawei Llankakwasipak shutipi, ista wasipi, Asia llaktapi purishka alli kashkata rikurka, chay llakta 70 watata paktachishkamanta chaypi karka. Chay llakta kayashkamanta ishkantin kamachikkunawan yachaykunata rantinparka.
Chay Comité Nacional de la Conferencia Consultiva Política del Pueblo Chino kamachikkunawan, Asamblea Popular kamachikkunawan shuk rimanakuyta charirka, makita kushpa sinchita llankanamanta rimarka, ñukanchik llaktamanta tarpushpa, pallashka kapukkunata chay llaktaman kachanamanta yuyarirka.
Kay Ecuador llaktamantami chay sumakruray kipikunawan yanapayta mutsurin, chaypak Chen kamachik arinishka yuyarita mutsunchik, chaymi ña llankay kallarinkapa achkata yanapanka, kunan charishka hillaykuna ña payayashkata anchuchinkapa llankay kallarina nirka.
Shuk manyamanta, Universidad de Agricultura de Beijing hatun yanachana wasipi tarpuymanta kamachiykunata riksichirka, Mamallaktapi Mamallakta Tantanakuy pushakukta riksichirka, kay alliklla llankay, willayman yayrurina, runakuna kamachiy killkaypi yuyayta churashkata rikuchirka, kamachikkuna imatalla llankashkata rikuchishkta willarka. Ñukanchikpak Mamallakta Punasuyu, Kuntinsuyu, Antisuyu, Yawatisuyu imashina kashkata rikuchirka, uchilla Mamallaktami allpapacha kan nirka.
MG/jc-kichwa
