Mamallakta Tantanakuy mushuk Registro Ecuatoriano de Violadores, Abusadores y Agresores Sexuales de Niñas, Niños y Adolescentes (REVAAS) kamamachiyta 110 apuchiwan arinirka, kayka Mamallakta Tantanakuypak katikilla ukupimi kan.
Kay kamachiyka wawakunata llakichishpa huchata charik runakuna kamachiywan wanachishka kashpaka, llankankapa kamaywasiman yaykuna, yachana wasipi yachachik tukuna, tushuna ukupi, pukllana wasipi llankayta mana hapinka.
Shinami huchata charik runakunaka wawakunapak kuchupilla llankayta charinata mana ushanka, payka imapak llakita rurashkata yuyarinka.
Kay Lourdes Cuesta, kamachiy killkak, paymi kay kamachiyta churarka, kay REVASS kamachiyka Mamallaktapi wawakunapak hayñita ukllankapa may allimi kan nirka, ista Mamallaktakunawan yuyarishka kamachiywan, kay Código de la Niñez kamachiywan, chay 2030 watapak katikillawan, chay Objetivos de Desarrollo Sostenible (ODS) paktanawan kimirishkami kan.
Mashna wawakuna llakirishkata kipunkapaka Ministerio de Gobierno kamaywasimi pushanka, chaytaka Consejo de la Judicatura kamaywasi, Secretaría Nacional de Personas Privadas de la Libertad kamaywasi, paykunami kiputa punchanta mushukyachinka. Kay kamachiytaka shuk watatami allichishka kan, runakunawan llaktakunapi rimanakushka kan, yachana wasikunawan, tantarikunawanpash rimanakushkami kan nirka.
Warmi kamachiy killkak rimashpa allpapachapi uyarirka, Mamallakta Tantanakuypak mañaymashkayta, llakta ushayta wiñachishka, llaktakuna rimanchun ñanta paskashka. Shina yayamama, ayllukuna paypak churikunawan kasilla kawasayta charinka, yachana wasikunapi yachachina llankaykuna alli katinka.
MG/ea/jc-kichwa
