Tayta César Litardo Caicedo, Mamallakta Tantanakuyta pushak, Manta llaktapi, Manabí markapi achka llankayta charin.
Payka shuk rimanakuypi kan, chaypimi Agencia Iberoamericana de Pesca en Manta tantarita wiñachina hawa rimanakuypi kan.
Chaypmi Parlamento Centroamericano (Parlacen) kamaywasi kanka, Ministerio de Producción, Comercio Exterior, Inversiones y Pesca kamaywasi kanka.
Shinallatak, Litardo Hatun Kamachik, sarun sitwa killapi Federación Rusa tantaripi karka, chaypimi chalwakkunata yanapankapa kamachikkunawan rimanakuyta charirka.
Shinami Rusia llaktamanta kamachikwan, Parlacen tantarimanta kamachikkunawan rimayta charirka, shinami llankankapa arininakuyta pusharka. Shinallatak Irma Amaya, Parlamento Centroamericano Pushak shamurka, ishkantin Mamallakta makita kushpa chay Galápagos llaktamanta chalwata shuwakta harkankapa yuyarirka.
Chalwa Kamachiy
Chaymanta rimashpaka, Mamallakta Tantanakuyka Chalwa Kamachiyta killkashpa, allichishpa katin, ñami kallari atinakuyta rurashka, shinami Pesca y Acuacultura kamachiyta killkamushka; kay kamachiyka Unión Europea ista llaktakunapak kamachiywanmi rikunata charin. Kay Kamachiywan chalwashpa llankayta, katukuyta achkata yanapanka, watapi chusku hunu kullki yaykurichun yanapanka, shina chalwak runakunapak kawsayta allichinka.
EA/jc-kichwa
