Kay Comisión de Fiscalización tantari, chay Lira Villalba kamachiy killkakta llaktay wanachiyta rurana nirka.
Shinallatak Consejo de la Judicatura Transitorio, Marcelo Merlo Jaramillo kamachikta llaktay wanayta rurana nirka.
Shinaka: Zobeida Regina Aragundi Foyain, Aquiles Mario Rigail Santiestevan, Angélica Ximena Porras Velasco, Juan Pablo Albán Alencastro rimayta charikkuna mana allita llankashkamanta wanachishka kanka.
Kay arinishka Comisión de Fiscalización tantariman yaykurishka kamachiy killkakkuna arinishka kan, chaypak 35 kamachiy killkakunapak shutikuna mutsurin, shinallatak Mamakamchiypak niki rimashkata pantachishka mutsurin, chayta rikushpa wanachishka kanka,
Minkashkakuna mayhan punchapi wanachinaman kamachik rikurinata akllarka. Chaymanta Consejo de la Judicatura Transitorio yallik kamachikkunata kayanka, paykuna riksichun imamanta llakitukushka pankawan kayanka, chayka 15 punchakama killkashpa, rimashpa paykunapak hayñita charirayanka, shina huchata pampaman shitanka.
Huchachik kamachiy killkakkunatapash kayanka, shinami chay Lira Villalba kamachiy killkak wayru killa, 21 punchapi rikurinka, chaypimi imamanta huchachikushkata riksichinka, pankakunawan, rimashkawan tiksinka.
Shamuk punchakunaka: Marcelo Merlo Jaramillo, Zobeida Aragundi, Aquiles Rigail, Angélica Porras, Juan Pablo Albán yallik kamachikkunata kayanka, paykunapak hayñita rikuchishpa mana huchayuk rikurinka.
Katipika Irene Valencia, Consejo de la Judicatura Transitorio ukupi killkakkamayuk rikurinka, Juan Vizuete Ronquillo, Consejo de la Judicatura kamaywasita pushak rikurinka, chaypi paypak hayñita rikuchishpa chimpapuranka.
Shinallatak Mónica Núñez, Talento Humano del Consejo de la Judicatura Transitorio pushakta kayanka, shinallatak Manuel Chum, Judicatura para la provincia del Guayas kachashkata kayanka, Unidad Multicompetente del cantón Samborondón: Leonel Ronquillo, Ana Veintimilla, Marlene Sotomayor yallik kishpichikkunata kayanka.
Punchata akllay tantaripika: Johanna Cedeño, Eliseo Azuero tantarita pushak, kipapushak kaypi karka, shinallatak Luis Pachala, Carmen Rivadeneira, Silvia Vera, Jimmy Candell, Pinuccia Colamarco, Daniel Mendoza kamachiy killkakunapash karka.
JLVN/ea/jc-kichwa
