Kamachiy killkakkuna llaktakuna, llaktayukkuna 11 punchata kaparishkamanta mancharishpa llakta ushayta charirayarka.
Shina Ecuador llakta llankachun shayarirka, wakcha runakuna paykunapak hayñita riksichun atirka, mañarka.
Chay Fernando Burbano, kamachiy killkak churashka mañayta 107 apuchiwan arinishka kamachiy killkakkuna yanaparka, llakta ushayta katichun mañarka, Mamakamachiy llankashpa katichun; llaktakunapash Mamakamachiywan kamachikkuna mana allita rurakpi kaparinata ushan nirka, chapak, awka kamachikuna llakitukushkamanta, runakuna wañushkamanta, chukririshkamantapash nanarirka.
Kay yuyarika 2 punchamanta 13 punchakama kaparikuna, takaykuna tiyashkamanta chaypilla sakichinkapa, ama kutintak shina llaki rikurichun yanapan, llakichikkunata kayana, shuktak tukuy runakunapak alli kachun mushuk ñankuna yuyarina, rimarka. Mamallakta Tantanakuy kay yuyayta yanapachun mañarka, pay llakta ushayta runakunaman, llaktakunaman paktachinata charin nirka. Llaktayukkunapak mutsuyta, mañayta paktachinka paykunawan rimanakuna kachun killkarina kan nirka.
Mamallakta Pushak, shuktak hatun kamachikkunapash runakunaman, llaktakunaman alli kachun kamachiykunata, yuyarikuna, llankayñankunata rurachun mañarka, llaktakunapi kullki mirarina llankaykunata wiñachichun mañarka.
Mamallakta Tantanakuyta pushak tukuylla kamaywasikuna tantarishpa, makita kushpa llankankapa Defensoría Pública kamachikwan, Defensoría del Pueblo kamachikwan, ONU Ecuador kamachikwan, OEA kamachikwan, Conferencia Episcopal kamachikwan, Hatun Yachanawasikunawan tantarishpa makita kushpa llankachun yuyayta kurka. Kayta rurankapa Comisión Multipartidista tantarita wiñachina, paykuna 30 punchapi Mamallakta Tantanakuyman rikuchichun mañarka.
SV/cz/jc-kichwa
